Saltar navegación

5. Glosario

A
  • Atavismos
 Costumes, hábitos, crenzas e actitudes herdados do pasado e aceptados como modelo da nosa conduta, sen análise nin crítica.

 

C
  • Corrupción
 Utilización do poder en beneficio propio e non en favor da sociedade.

 

D

 
  • Deberes
Responsabilidades e obrigas que temos que asumir para que se poidan respectar realmente os dereitos humanos.
  • Dereitos humanos
 Os que ten calquera ser humano polo feito de selo, é dicir, independentemente da raza, sexo, relixión, ideoloxía, nacionalidade ou calquera outra característica diferenciadora.
  • Desigualdade social
 Diferenza entre as oportunidades de realizárense na sociedade que teñen as persoas ou os grupos sociais.
  • Discriminación
 Tratamento desfavorable que se lle dá a unha persoa ou a un conxunto delas por motivos raciais, ideolóxicos, relixiosos, políticos...

 

E
  • Emancipación
 Liberación dun sometemento.
  • Estereotipos
 Opinións e crenzas sobre a realidade que se foron creando a través do tempo, moitas veces cun sentido negativo.
  • Exclusión social
 Imposibilidade de acceso dalgúns individuos ou grupos a certas oportunidades e beneficios que se consideran esenciais na nosa sociedade.

 

I
  • Impunidade
 Situación que se dá cando o autor dun delito non é castigado.

 

L
  • Lucrativo
 Que proporciona ganancias e proveito.

 

M
  • Machismo
 Actitude de prepotencia e superioridade dos homes respecto das mulleres.

 

P
  • Prexuízo
 Opinión desfavorable que temos de certas persoas, sen basearnos en feitos obxectivos ou porque descoñecemos a realidade.

 

T
  • Teito de cristal
 É unha expresión que fai referencia a unha barreira invisible que se interpón na carreira laboral das mulleres. Non se ve, pero é difícil de traspasar, impedindo o avance.

 

V
  • Valores
 Aspiracións ou ideais que desexamos facer realidade porque consideramos que son importantes e necesarios para a nosa vida persoal e colectiva.

 

 

 

 

 

 

 

 

Licenciado baixo a Creative Commons Attribution Non-commercial Share Alike License 3.0