1.7 Estratexias de autoavaliación

Deseguido propónselle un cadro que lle pode servir para avaliar o seu traballo en calquera das unidades didácticas que leva feitas. Para que a autoavaliación resulte óptima as respostas que ofreza deben ser sinceras e adecuarse á realidade.

Pense que responder de xeito intencionadamente erróneo ás cuestións que se lle formulan no cadro ha repercutir de maneira negativa no seu propio proceso de aprendizaxe.

Folla de autoavaliación

Unidade X
Instrumentos	Autoavaliación do alumno
Caderno Teno limpo? Ten os apuntamentos que haxa nela relacionados con esta unidade ordenados e completos?
Probas escritas Como lle saíron as probas escritas desta unidade? Fíxoas todas? Que puntuación lle puxo o profesor? Valoración persoal.
Actividades Fixo todas as actividades da unidade? Deixou algunhas sen facer? Por que?
Traballo individual Resultoulle esta unidade difícil de facer? Doada? Por que? Como valora o seu propio traballo? Cre que lle dedicou á unidade pouco tempo? Valoración persoal.
Expresión Faltas de ortografía, caligrafía, acentuación: en que necesita mellorar?
Comprensión Comprende ben os textos que le? Uns mellor que outros? Valoración persoal.
Actitude Cre que a súa actitude negativa influíu no desenvolvemento práctico desta unidade? Ten problemas para concentrarse ? Valoración persoal.
Conclusións Que nota se poñería ou como definiría o traballo que vostede realizou nesta unidade? Algunha outra observación?