Escoite o programa de radio da Radio Galega titulado Galicia por diante, que se emite desde as 6:00 horas ata as 11:00 horas. Se ten acceso a internet, pode escoitar ese programa no seguinte enderezo:
S22. Textos 2.12 e 2.13: Vexa e escoite os textos. Responda ás preguntas:
Que tipo de información se nos proporciona en cada un dos textos? (cultural, social, económica...)
Cre que con estes dous textos podemos obter ou ampliar coñecementos? Por que?
Que tipo de información se nos proporciona en cada un dos textos?
Texto 2.9:
O programa “Cazador de palabras” fálanos da lingua galega; cada un dos programas dedícase a unha determinada parte do vocabulario galego; por exemplo: o léxico relacionado coa medicina, co mar, coa natureza... Polo tanto, é un programa de contido sociocultural. Ademais diso, o alumnado debe especificar de que tema trata o capítulo do programa que visualice.
Texto 2.10:
O programa “Galicia por diante” é un servizo informativo; fálasenos do tempo, da política, da economía...
Cre que con estes textos podemos obter ou ampliar coñecementos? Por que?
Si, porque no caso do “Cazador de palabras” ofrecen unha serie de informacións de forma didáctica, é dicir, pensadas para que sexa doado acordármonos delas e as poidamos incluír dentro do noso coñecemento, para deste xeito, amplialo ou renovalo. O espectador neste tipo de programas adopta o rol dun alumno ou alumna que está sentado nunha clase recibindo a lección do profesor ou profesora.
No segundo caso, a resposta é tamén afirmativa, pero a información non se dá dun modo didáctico, pois o obxectivo do noticiario é diferente. Preténdese informar ao espectador mais non que aprenda.
Polo tanto, no “Cazador de palabras” obtemos e ampliamos coñecemento seguindo un método de aprendizaxe. No caso de “Galicia por diante” só obtemos unha información que nos vai ser útil durante un breve período de tempo, pois as noticias de actualidade teñen unha vida curta de aí que non sexa necesario que teñamos que aprender ou extraer ningunha aprendizaxe delas.