2.8.4 Os determinantes indefinidos
Os indefinidos expresan unha idea inconcreta ou indefinida de cantidade ou de identidade: Había moitas persoas na reunión; No patio aparcaron varios coches; Temos poucos cartos; Algún rapaz petou na porta e fuxiu.
Os indefinidos algún e outro contraen na fala e na escrita coas preposicións de e en: Tes que facelo doutro xeito; Nalgún sitio deixei a miña carteira; Agora o asunto está noutras mans.
Segundo a súa forma, podemos clasificalos como segue:
|
Invariables |
– Cada, menos, máis, demais, calquera… |
|
|
Variables |
En xénero |
– Varios/-as, ambos/-as, entrambos/-as… |
|
En número |
– Tal-tales, bastante- bastantes |
|
|
En xénero e número |
– Un, algún, ningún, moito, pouco, abondo, todo, outro, certo, mesmo, tanto, demasiado, propio, e os correspondentes femininos e plurais. |
|
Obra colocada bajo licencia Creative Commons Attribution Non-commercial Share Alike 3.0 License