2.8.1 Os artigos

O artigo determinadopresenta un nome xa coñecido ou que xa apareceu antes: pon o paraugas no paraugueiro. O artigo indeterminado acompaña a substantivos que nomean algo descoñecido para o falante: unha rapaza de Vigo.

Formas do artigo

	Determinados		Indeterminados
	Masculino	Feminino	Masculino	Feminino
Singular	o	a	un	unha
Plural	os	as	uns	unhas

Contraccións do artigo determinado coas preposicións

O artigo determinado contrae obrigatoriamente coas preposicións a, en, de, con e por; tamén pode contraer coa conxunción comparativa ca.

		Artigos
		o	a	os	as
Preposicións	a	ao/ó	á	aos/ós	ás
	con	co	coa	cos	coas
	de	do	da	dos	das
	en	no	na	nos	nas
	por	polo	pola	polos	polas
Conxunción	ca	có	cá	cós	cás

Contraccións do artigo indeterminado coas preposicións

O artigo indeterminado contrae obrigatoriamente coas preposicións en, de e con.

		Artigos
		un	unha	uns	unhas
Preposicións	de	dun	dunha	duns	dunhas
	en	nun	nunha	nuns	nunhas
	con	cun	cunha	cuns	cunhas

Actividades propostas

S15. Subliñe os artigos neste fragmento dun texto de Suso de Toro.

A man dereita leva o cigarro aos beizos vermellos coma o sangue, que fan arder o tabaco, aí estaba co seu chupetiño, tan tranquiliña, mentres que coa esquerda saca as chaves do coche deportivo. Entra e arranca lanzada na procura de miradas de desexo, un mal momento teno calquera, insinuacións, sorrisos, que remontará con elegancia, como unha gacela a cámara lenta choutando por riba dunha árbore caída. Talmente.

S 16. Escriba as frases facendo a contracción das dúas palabras (preposición + artigo) que aparecen entre parénteses:

Limpa a cara JXUwMDNiJXUwMDBj (con + o) pano JXUwMDNjJXUwMDA1JXUwMDEy (de + as) mans.
Quedamos JXUwMDM2JXUwMDBm (en + a) cafetería e despois decidimos ir JXUwMDM5JXUwMDBl (a + o) cine.
Dille JXUwMDM5JXUwMDBl (a + o) teu avó que corte o cable JXUwMDNiJXUwMDBjJXUwMDBlJXUwMDEy (con + as) tenaces.

« Anterior | Siguiente »

Obra colocada bajo licencia Creative Commons Attribution Non-commercial Share Alike 3.0 License