2.8.2 Os determinantes demostrativos

Os demostrativos sinalan a cousa ou persoa denominada polo substantivo e sitúana no espazo e no tempo con relación ao falante: esta mesa (proximidade ao falante); esa mesa (distancia media con relación ao falante); aquela mesa (afastamento con relación ao falante); estes días (próximos, os que están transcorrendo); eses días (máis afastados no tempo); aqueles días (aínda máis afastados do momento presente).

As formas dos determinantes demostrativos son as seguintes:

 

Masculino

Feminino

Neutro

Singular

Este, ese, aquel

Esta, esa, aquela

Isto, iso, aquilo

Plural

Estes, eses, aqueles

Estas, esas, aquelas

 

Contraccións dos demostrativos coas preposicións en e de e o indefinido outro

 

Este

Ese

Aquel

De

Deste, desta, destes, destas

Dese, desa, deses, desas

Daquel, daquela, daqueles,daquelas

En

Neste, nesta, nestes, nestas

Nese, nesa, neses, nesas

Naquel, naquela, naqueles, naquelas

Outro

Estoutro,estoutra, estoutros, estoutras

Esoutro, esoutra, esoutros, esoutras

Aqueloutro, aqueloutra, aqueloutros, aqueloutras

Actividade proposta

S17.        Escriba as frases seguintes facendo a contracción das dúas palabras (preposición + determinante demostrativo) que aparecen entre parénteses:

 

    • Agardarei por ti (en + esta) esquina.

    • Mentres eu traballo (en + isto), ti estuda.

    • Non souben nada (de + aquela) moza.

    • Eu non quero entrar (en + ese) asunto.

    • Gardo as lembranzas (de + eses) días.

    • (de + iso) que dis, eu non creo nin a metade.

    • Non quero que me fales mal (de + esas) rapazas.

 

  

Obra colocada bajo licencia Creative Commons Attribution Non-commercial Share Alike 3.0 License