Xa destes os primeiros pasos cara a constitución do voso club.
Neste apartado crearedes e maquetaredes a documentación.
Recordade que xa tedes moito traballo feito e coñecementos aprendidos nas fases anteriores. A seguinte lista é unha referencia por se, nalgún momento, precisades refrescar a memoria:
Chegou a hora de poñerse a traballar, pero antes facede unha revisión do seguintes puntos:
Puntos que debedes revisar:
Repartimento de tarefas
Cada integrante do grupo ten asignados os apartados da documentación que ten que facer.
Comprobade os apartados obrigatorios da documentación do club nesta ligazón da Fase 4.
Apartados opcionais
Unha vez que teñades feitos os apartados obrigatorios, decidide cal dos apartados opcionais faredes.
Podedes empregar os seguintes como modelo. Premeen cada un para poder velo:
▸Enquisa de valoración inicial
Realízase antes de crear o club, ou durante o proceso de creación.
O obxectivo desta enquisa é coñecer o interese do alumnado do centro polas actividades grupais no recreo.
Aquí tes un exemplo de enquisa de valoración inicial:
▸Enquisa de satisfacción
Realízase unha vez que o club empezou a funcionar ou unha vez que rematou.
O obxectivo é coñecer a valoración que os participantes no club teñen do mesmo e incluso melloras que poden propoñer.
Aquí tes un exemplo de enquisa de satisfacción:
▸Carta á dirección do centro
Realízase antes de crear o club, ou durante o proceso de creación.
O obxectivo é solicitar permiso ao equipo directivo do centro para a realización das actividades do club.
Aquí tes un exemplo de carta de solicitude á dirección do centro.
▸Nota de prensa
Realízase durante o proceso de creación do club.
O obxectivo é dar a coñecer aos medios de comunicación escritos (periódicos locais, revistas escolares etc) a creación do club e as súas actividades.
Aquí tes un exemplo de nota de prensa.
▸Memoria gráfica de actividades
Realízase cando finaliza o club.
O obxectivo é recompilar as fotografías máis significativas das actividades realizadas polo club.
Aquí tes un exemplo dunha páxina da memoria gráfica de actividades.
Formatos acordados
Na fase 4.1 acordastes uns formatos comúns para a documentación do club. Repasádeos para manter un formato uniforme e aforrar traballo á hora da maquetaxe:
Corpo de texto
Títulos
Listas ordenadas, sen ordenar e esquema de numeración
Como nomear os ficheiros
Lembrade que na fase 3.1 se explicou como nomear os ficheiros de forma correcta.
No caso de que o voso docente indique un nome para os ficheiros, seguide as súas indicacións.
En caso contrario, acordade un formato común para todos os ficheiros que creedes.
Audio
Gardando o traballo feito
Recorda que na Fase 2.3 está a explicación de como gardar os documentos no teu equipo.
A medida que traballedes teredes que ir gardando a documentación que creedes facendo un respaldo.
Un respaldo é unha copia de información que se fai para gardarla por se acaso se perde. É o mesmo que unha copia de seguridade.
Unha boa maneira de ter un respaldo é recorrer ás entregas no curso virtual desta materia. No caso de que o teu docente indique esta opción, podes seguir estes pasos:
Paso a paso para gardado de ficheiros
Nomea o ficheiro
Cando empeces un apartado novo garda o ficheiro seguindo o formato de nome acordado.
Garda cada pouco tempo
Cada vez que fagas cambios no documento ou cada certo tempo, garda o ficheiro para non perder nunca o traballo feito.
Cando remate cada sesión de traballo
Garda o traballo feito.
Sube o ficheiro do apartado sen rematar á entrega correspondente da plataforma virtual que empreguedes. Deste xeito queda gardado como borrador por se perdes a copia gardada no teu equipo ou por se falta algún integrante do grupo e queres traballar no seu ficheiro.
Na seguinte clase ou sesión de traballo, podes empregar a copia que tes gardada no teu equipo ou descargar a que teñas gardada como borrador na entrega da plataforma virtual.
Cando remates o apartado da documentación
Sube o ficheiro do apartado rematado á entrega correspondente da aula virtual comprobando que o seu nome cumpre o formato solicitado.
Lectura facilitada
Na Fase 2.3 está a explicación de como gardar os documentos no teu equipo.
A medida que traballedes ide gardando a documentación que creedes facendo un respaldo.
Un respaldo é unha copia de información que se fai para gardarla por se acaso se perde.
É o mesmo que unha copia de seguridade.
Para ter un respaldo podes empregar as entregas no curso virtual.
No caso de que o teu docente indique que empregues as entregas do curso virtual, sigue as seguintes instrucións:
Paso a paso para gardado de ficheiros
Nomea o ficheiro
Cando empeces un apartado novo garda o ficheiro seguindo o formato de nome acordado.
Garda cada pouco tempo
Garda o ficheiro cada vez que fagas cambios ou cada certo tempo.
Así non perdes nunca o traballo feito.
Cando remate cada sesión de traballo
Garda o traballo feito.
Sube o ficheiro do apartado sen rematar á entrega correspondente da plataforma virtual.
Así queda gardado como borrador por se perdes a copia do teu equipo ou por se falta algún integrante do grupo e queres traballar no seu ficheiro.
Na seguinte clase ou sesión de traballo, podes empregar a copia que tes gardada no teu equipo ou descargar a que teñas gardada como borrador na entrega da plataforma virtual.
Cando remates o apartado da documentación
Sube o ficheiro do apartado rematado á entrega correspondente da aula virtual comprobando que o seu nome cumpre o formato solicitado.
Repartimento de tarefas
Apartados opcionais
Formatos acordados
Como nomear os ficheiros
Garda cada pouco tempo
Cando remate cada sesión de traballo
Cando remates o apartado da documentación