A continuación, podes obter axuda para crear unha estrutura de cartafoles ou para facer copia de seguridade dos teus documentos. Selecciona a opción que desexes.

  Crear estrutura de cartafoles 

Para crear os cartafoles na maqueta Abalar 12 só terás que ir a Xestor de ficheiros (Dolphin) que está na barra de ferramentas da parte inferior do teu escritorio.

Se non o atopas aí, a súa ruta é: Aplicacións → Sistema → Dolphin (Xestor de ficheiros).

Recomendámosche que o gardes en favoritos ou que o ancores á barra de ferramentas.

Pasos que debemos seguir para crear unha estrutura de cartafoles

Abrir o xestor de ficheiros

• Dolphin é o programa que che permite navegar polos ficheiros e cartafoles do teu ordenador.
• Para abrir Dolphin, preme na icona en forma de carpeta azul da barra de tarefas ou do menú de aplicacións.
• Ao abrilo, verás a xanela principal onde se amosan os teus cartafoles persoais como "Documentos", "Descargas", "Imaxes" etc.

Comprobar en que cartafol estás

• Na parte superior da xanela de Dolphin aparece a barra de ruta.
• Esa barra indícache o camiño completo ata o lugar onde te atopas, no noso exemplo: "/Escritorio/O noso club".
• Cada parte da ruta é un cartafol. Se fas clic neles podes subir rapidamente a un nivel superior.
• Isto serve para orientarte e saber sempre onde estás traballando.

Elixir a vista dos cartafoles (opcional)

• Dolphin permite cambiar a forma en que ves os ficheiros:
  • Vista de iconas: os cartafoles e ficheiros aparecen como debuxos grandes.
  • Vista en lista: ves nome, tamaño, tipo e data.
  • Vista en detalles: mostra información máis completa.
• Para cambiar a vista, utiliza o menú superior ou as iconas de vista situadas xeralmente na parte dereita da barra de ferramentas.
• Isto axúdache a organizar e visualizar mellor o contido segundo o tipo de traballo que estás a facer.

Abrir o menú contextual co botón dereito

• Se fas clic co botón dereito do rato sobre calquera ficheiro ou espazo baleiro dun cartafol, aparece un menú contextual con opcións como:
  
  • Abrir.
  • Copiar.
  • Pegar.
  • Mover á papeleira.
  • Propiedades.
• O menú contextual é útil para realizar accións rápidas sen ter que buscar nas barras de menú.

Crear o cartafol

• Para crear un novo cartafol, tes varias opcións:
  • Clic dereito → Crear novo → Cartafol.
  • Menú superior: Tres raias → Crear cartafol
  • Atallo de teclado: Ctrl + Shift + N
• Nomea o teu novo cartafol e preme Intro.
• Así podes organizar o teu espazo de traballo, gardando documentos por temas ou proxectos.

Agora podes repetir a acción e crear a estrutura de cartafoles que che propoñemos: un cartafol chamado "O noso club" e tres subcartafoles chamados "Documentos do club", "Imaxes e logotipos" e "Recursos da web". 

 Facer copia de seguridade

Para facer unha copia de seguridade dun documento na maqueta Abalar 12 só terás que ir a Xestor de ficheiros (Dolphin) que está na barra de ferramentas da parte inferior do teu escritorio.

Se non o atopas aí, a súa ruta é: Aplicacións → Sistema → Dolphin (Xestor de ficheiros).

Recomendámosche que o gardes en favoritos ou que o ancores á barra de ferramentas.

Pasos a seguir para facer unha copia de seguridade dun documento

Abrir o xestor de ficheiros

• Dolphin é o programa que che permite navegar polos ficheiros e cartafoles do teu ordenador.
• Para abrir Dolphin, preme na icona en forma de carpeta azul da barra de tarefas ou do menú de aplicacións.
• Ao abrilo, verás a xanela principal onde se amosan os teus cartafoles persoais como "Documentos", "Descargas", "Imaxes", etc.

Comprobar en que cartafol estás

• Na parte superior da xanela de Dolphin aparece a barra de ruta.
• Esa barra indícache o camiño completo ata o lugar onde te atopas, no noso exemplo: "/Escritorio/O noso club/documentos do club".
• Cada parte da ruta é un cartafol. Se fas clic neles podes subir rapidamente a un nivel superior.
• Isto serve para orientarte e saber sempre onde estás traballando.

Comprobar que tes montada a unidade USB

• Na barra lateral do navegador poderás ver se tes conectada a unidade extraíble USB.

Arrastrar os documentos que queres gardar ao seu destino 

• Unha forma sinxela de gardar os documentos é simplemente seleccionalos e arrastralos co rato ata a localización que queiras. Neste caso, a unidade extraíble USB.

Consellos para gardar versións

• Debes usar nomes de arquivos claros para as diferentes versións:
  • O_noso_club_3ESO_v01.odt
  • O_noso_club_3ESO_v02.odt
• Tamén podes usar datas, lembra poñer o formato ano-mes-día para facelo ben e que as versións aparezan ordenadas.
  • O_noso_club_20251209.odt
• Mantén os cartafoles ben organizados
• Mantén polo menos dúas ou tres versións dun mesmo documento, non sobrescribas “por aforrar espazo”, evitarás perder versións que tiñas ben ou algunha que queiras recuperar.
  Unha boa práctica é ter un "arquivo de control" que teña dentro un resumo do contido das versións, por exemplo:
  • v01 – esquema
  • v02 – texto completo
  • v03 – texto corrixido
• Garda copias en unidades diferentes: no ordenador do centro, nun USB ou na nube.
• Antes de expulsar o pendrive garda o teu traballo, pecha os arquivos e expulsa a unidade USB. Se non o fas así, podes corromper os arquivos.