Saltar navegación

1.1. Exemplos que inspiran

Que ocorre aí fóra?

Seguro que xa chegaches á conclusión de que o recreo pode dar moito máis de si.

Pero antes de poñerte mans á obra, é importante analizar aquelas actividades diferentes e motivadoras que outros xa practican.

Así atoparás a inspiración necesaria para transformar o recreo e dar comezo ao novo proxecto.

Lectura facilitada

Decatácheste de que o recreo pode dar moito máis de si. 

Mira estes exemplos de actividades que se fan no tempo libre noutros centros:

Organizando as ideas

Acabas de ver exemplos de diferentes actividades. Para levalas a cabo foi necesaria unha organización previa.

Un bo xeito de establecer esa organización é creando un club.

O club encargarase de establecer as bases de funcionamento, regras de participación e valores polos que se rexerán todas as actividades.

É probable que formes ou formaras parte dalgún club. Algunha vez te paraches a analizar como funcionan ou que documentación precisan?

A continuación, podes ver a documentación do Club de patinaxe Compostela que aparece na súa web: https://www.patinaxecompostela.com/:

Lectura facilitada

Acabas de ver exemplos de diferentes actividades. Para levalas a cabo foi necesaria unha organización previa.

Un bo xeito de establecer esa organización é creando un club.

O club encargarase de establecer as bases de funcionamento, regras de participación e valores polos que se rexerán todas as actividades.

A continuación, podes ver a documentación do Club de patinaxe Compostela que aparece na súa web (abre en nova xanela):

Lectura facilitada

Máis exemplos

Nas seguintes páxinas web podes atopar máis exemplos que che sirvan de inspiración.

Sobre todo no que se refire a cores, formato e distribución da información en apartados.

Lectura facilitada

Nas seguintes páxinas web podes atopar máis exemplos que che sirvan de inspiración.

Sobre todo no que se refire a cores, formato e distribución da información en apartados.

Momento de reflexión

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Investiga e reflexiona sobre as seguintes cuestións e escribe as conclusións obtidas no bloque 1 do teu diario de aprendizaxe

  • Que actividades botas en falta nos recreos do teu centro educativo?
  • Das alternativas presentadas anteriormente, cal chamou máis a túa atención?
  • Con que coñecemento, habilidade ou talento contas que che gustaría ensinar ao resto do alumnado do centro?
  • Que consideras que podería achegar a túa ensinanza á comunidade educativa?
  • Cres que a túa proposta pode axudar a mellorar a convivencia e/ou inclusión no centro educativo? Xustifica a túa resposta.

Diario común: realizade unha posta en común dos distintos talentos que consideredes que podedes ensinar cada unha das persoas do equipo e debatede cal considerades máis interesante para o voso centro.

Lectura facilitada

Investiga e reflexiona sobre as seguintes cuestións.

Escribe as conclusións obtidas no bloque 1 do teu diario de aprendizaxe

  • Que actividades botas en falta nos recreos do teu centro educativo?
  • Cal das dúas alternativas presentadas chamou máis a túa atención?
  • Que talento tes que che gustaría ensinar ao resto do alumnado do centro?
  • Que consideras que podería achegar a túa ensinanza á comunidade educativa?
  • Cres que a túa proposta pode axudar a mellorar a convivencia e/ou inclusión no centro educativo?
  • Por que cres que a túa proposta pode mellorar a convivencia no centro educativo?

Diario común: realizade unha posta en común dos distintos talentos que consideredes que podedes ensinar cada unha das persoas do equipo e debatede cal considerades máis interesante para o voso centro.

Feito con eXeLearning (Nova xanela)