Writer: onde as palabras cobran vida

Pau fino rematado cunha estrela na punta Tal e como puideches deducir na fase anterior, escribir non é só xuntar letras nin poñer unha palabra tras outra. Tamén é dar formato e estilo, organizar ideas, ilustrar documentos e facilitar o acceso á información dun xeito claro e rápido.

Nesta etapa coñeciches diferentes tipos de procesadores de texto, entre eles LibreOffice Writer, que será o teu gran aliado para crear a documentación do voso club de recreos.

Como viches, detrás de cada documento hai moito máis traballo do que semella! Agora, chega o momento de aprender a facer maxia co Writer e adestrarte para o gran reto: dar vida á documentación do voso club. Aprenderás a converter un texto gris e sen personalidade nun documento cheo de cor, orde e enerxía, empregando a túa variña máxica dixital: o procesador de textos.

Canto máis practiques, máis dominarás a arte de facer que as túas palabras cobren vida e dean identidade propia ao voso club.

Lectura facilitada

Escribir non é só xuntar letras.

Escribir tampouco é poñer unha palabra tras outra.

Escribir é:

Dar formato.
Organizar ideas.
Ilustrar documentos.
Facilitar o acceso á información.

Coñeciches diferentes procesadores de textos, como o LibreOffice Writer.

O LibreOffice Writer vai ser o procesador que uses no reto.

Detrás de cada documento hai moito traballo.

É o momento de facer maxia co Writer.

Vas adestrar para o reto: dar vida á documentación do voso club.

A túa variña máxica vai ser o procesador de textos.

Canto máis practiques, mellor!

Audio

Cal será a vosa estratexia?

Chegou o momento de adestrarte para o gran paso deste proxecto: crear a documentación dixital do voso club. Porén, antes de crear un club ben documentado, é imprescindible coñecer á perfección as ferramentas que vas empregar.

Pictograma que mostra unha persoa camiñando desde un punto de saída a un punto de chegada e o camiño percorrido

Nesta fase ides abrir a vosa caixa de ferramentas dixital e descubrir todo o que un procesador de textos, como o Writer, pode facer por vós: ordenar, dar formato, decorar e, en resumo, crear documentos que falen por si sós.

Cales son os pasos da vosa estratexia nesta fase?

Crear

Aprender a crear un texto con estilo e formato: cambiar a tipografía, o tamaño, a cor e todos os parámetros estéticos que consideredes, ademais de aliñar o texto e realizar outros cambios que fagan o voso documento máis lexible e atractivo visualmente.

Organizar

Organizar a información empregando viñetas, numeracións ou táboas.

Ilustrar

Engadir imaxes ou outros elementos multimedia aos documentos para conseguir un resultado máis visual.

Paxinar e indexar

Empregar elementos que faciliten o acceso á información, como o formato de texto por niveis, a numeración de páxinas ou a creación de índices.

Dálle vida á túa idea de club aplicando a maxia das ferramentas do Writer!

Lectura facilitada

Chegou o momento de adestrarte para este proxecto.

Neste proxecto vas crear a documentación dixital do voso club.

Por iso, é importante coñecerdes ben as ferramentas necesarias.

Nesta fase ides abrir a vosa caixa de ferramentas.

Ides descubrir o procesador de textos Writer.

O procesador de textos permite:

Ordenar.
Dar formato.
Decorar.

En resumo, permite crear documentos que falen por si sós.

Cales son os pasos da vosa estratexia nesta fase?

Crear

Aprender a crear un texto con estilo e formato.

Cambiar:

O tipo de letra.
O tamaño de letra.
A cor.
Todos os parámetros estéticos que queirades.

Tamén se pode:

Aliñar o texto.
Facer outros cambios para ter un documento máis fácil de ler.
Facer outros cambios para ter un documento e atractivo á vista.

Organizar

Organizar a información usando:

Viñetas
Numeracións
Táboas.

Ilustrar

Engadir imaxes ou outros elementos multimedia aos documentos.

Isto fai o documento máis visual.

Paxinar e indexar

Usar elementos que fagan máis fácil o acceso á información.

Estes elementos son:

O formato de texto por niveis.
A numeración das páxinas.
Un índice de contidos.

Dálle vida á túa idea de club.

Aplica a maxia das ferramentas do Writer!