Definición:
Creación decorativa ou artística feita con pequenas pezas de vidro, cerámica, pedra, entre outros materiais, de cores diversas, que se ensamblan sobre unha base para formar figuras ou escenas.
Exemplo:
Os mosaicos decoraban os solos das casas romanas.
O mosaico non foi inventado polos romanos, senón polos gregos. Porén, Roma converteuse na gran mestra desta técnica artística. Consistía en cubrir o chan ou as paredes con pequenas pedras ou anacos de vidro chamados teselas, que se colocaban seguindo un debuxo. Así, como nun quebracabezas, formábanse imaxes que representaban escenas da vida diaria ou historias dos deuses e heroes da mitoloxía.
Os romanos non inventaron o mosaico, pero perfeccionárono.
Facíano con pequenas pedras ou vidros chamados teselas,
que formaban debuxos e escenas como un quebracabezas.
Representaban momentos da vida diaria ou historias mitolóxicas.
Usábanse para decorar casas e mostrar riqueza e poder.
Recordas cando investigaches sobre os riscos naturais? Un deles eran os volcáns. Aprendiches que aínda que son inevitables, os adiantos tecnolóxicos e científicos axudan a prever e minimizar o impacto sobre o ser humano, non si?
Pois en épocas pasadas, os homes e mulleres deses tempos non tiñan esa capacidade de explicar, nin prever os fenómenos da terra. Normalmente explicábanos con mitos e o poder dos deuses e das deusas... (terremotos, a furia de Neptuno, Poseidón para a poboación grega, o raio como resultado da furia de Xúpiter, Zeus para a poboación grega... ou fóra da cultura clásica o trono con Thor coma responsable dos tronos...).
Nun destes riscos naturais, un volcán produciu unha gran desgracia para a poboación dun feixe de cidades romanas a finais do verán do ano 79 da nosa Era, sepultándoas baixo un manto de cinsa e lava, atrapando a vida romana nunha cápsula do tempo. As cidades máis famosas foron Herculano e Pompeia, que eran cidades vacacionais, onde as clases altas romanas fuxían da calor e os cheiros da cidade de Roma no verán.
Recordas cando aprendiches sobre os riscos naturais, como os volcáns?
Hoxe en día, grazas á ciencia e á tecnoloxía, podemos prever moitos destes fenómenos e protexernos mellor.
Pero na época romana, as persoas non tiñan explicacións científicas.
Cando había terremotos, tronos ou erupcións volcánicas, pensaban que eran manifestacións da furia dos deuses:
Un destes fenómenos provocou unha gran traxedia: a erupción do volcán Vesubio no ano 79 d. C..
Este volcán sepultou baixo cinza e lava varias cidades romanas, como Pompeia e Herculano, que eran lugares de vacacións das clases ricas de Roma.
A erupción atrapou a vida romana no tempo, conservando casas, obxectos e mesmo persoas, o que nos permite coñecer hoxe como vivían os romanos.
A pintura foi unha das artes máis destacadas en Roma, sobre todo como decoración das casas máis ricas, chamadas domus. As familias patricias e acomodadas querían encher as paredes con imaxes de cores, seguindo o gusto e o estilo dos gregos.
Estas pinturas facíanse directamente sobre a parede, coa técnica do fresco, e representaban formas xeométricas, flores, animais ou escenas con persoas.
Grazas á erupción do volcán Vesubio, que cubriu as cidades de Pompeia e Herculano, puidéronse conservar moitas destas obras. Por iso, hoxe coñecemos como eran as casas romanas e a vida diaria da xente.
As pinturas atopadas en Pompeia adoitan dividirse en catro estilos diferentes, segundo o tempo e a maneira en que estaban feitas.
O primeiro estilo da pintura romana, chamado de incrustación, desenvolveuse entre o século II e o comezo do século I a. C. Neste estilo buscábase imitar as paredes cubertas con mármore de cores, como nas casas ricas das cidades gregas. As paredes dividíanse en tres partes: a inferior servía de zócolo, a central representaba diferentes placas de mármore e a parte superior incluía unha franxa branca que completaba a decoración.
O segundo estilo, chamado de perspectiva arquitectónica, apareceu entre o ano 82 a. C. e finais do século I a. C. Foi unha creación totalmente romana. Neste estilo, as pinturas daban a sensación de profundidade e facían parecer que as paredes desaparecían, como se se visen edificios, columnas ou paisaxes ao fondo.
As escenas adoitan ser mitolóxicas ou decorativas, e amosan un gran dominio da técnica. Este estilo coincide coa época de esplendor de Roma, baixo o poder de César e Augusto. Un dos mellores exemplos é a decoración da Casa dos Misterios en Pompeia.
O terceiro estilo, chamado dos candelabros, desenvolveuse entre finais do século I a.C. e mediados do século I d.C. Neste estilo deixouse de buscar profundidade e comezaron a pintarse estruturas decorativas imaxinarias, con formas finas e delicadas. As figuras eran pequenas e movíanse entre columnas, candelabros e elementos moi ornamentados, cun gusto elegante e refinado. Un bo exemplo é a fermosa decoración da Casa dos Vetti en Pompeia.
O cuarto estilo, tamén chamado ilusionista, desenvolveuse desde mediados do século I ata o ano 79 d. C. en Pompeia e ata finais dese século en Roma. Neste estilo as paredes parecían auténticos escenarios cheos de fantasía, con arquitecturas imaxinarias e moi decoradas que facían esquecer que detrás había un muro real. Pola súa semellanza co anterior, moitas persoas consideran o terceiro e o cuarto estilo como unha mesma etapa da pintura romana.
A pintura romana foi outra manifestación artística que alcanzou gran relevancia.
Xeralmente a pintura romana-pompeiana divídese en catro estilos:
xa que con el pretendéronse simular as placas de mármore que revestían as paredes.
desenvolveuse desde o 82 a. C. a finais do século I a. C. É xa unha creación propiamente romana.
As súas composicións invaden as paredes con escenas ou cadros mitolóxicos.
caracterizouse pola creación de fantásticas e irreais estruturas arquitectónicas.
converteu ás paredes en escenarios irreais nos que unha arquitectura fantástica e barroca
tiña como único propósito, nun alarde decorativo, facer esquecer a presenza física do muro.
En realidade o terceiro e cuarto estilo están tan preto un do outro que hai quen os considera un só.
Selecciona as respostas correctas e pulsa sobre o botón "responder"
Segundo viches no vídeo sobre a vila dos misterios, resposta a estas cuestións... son moi doadas, seguro que o recordas todo!
Falso
A Vila dos Misterios é unha domus pompeiana que toma o nome do triclinuim onde se localizan as pinturas. Consta de multitude de estancias en patios así como baños propios.
Falso
Falso
A cor é predominantemente vermella.
_-_frescos_02.jpg "Vista dos frescos da Vila dos Misterios")
Verdadeiro
O que está decorado son os solos, con mosaicos que forman decoracións xeométricas en branco e negro
Falso
Se pensa que se relacionan co culto mistérico ao deus Dioniso (tamén coñecido como Baco), que da nome á vila
Falso
A estancia comunica co hortus ou xardín da domus
Licenciado baixo a Licenza Creative Commons Atribución Non-comercial Compartir igual 4.0
