Procesando a información
Hispania e a Gallaecia foron tamén territorios que caeron baixo o poder das lexións romanas.
Repasa o aprendido realizando algunha das opcións.
Que fixeron os romanos por nós?
Actividades multinivel
Opción A: Tarefa de repaso sobre a conquista de Hispania e "Gallaecia"
Ordena de máis antigo a máis recente, as rexións que foron conquistadas pola poboación romana en Hispania.
- Cultura ibera. Mediterráneo e Levante.
- Cultura celtibera. Centro da Península.
- Cultura castrexa. Noroeste da Península.
Opción B: A viaxe
Imaxina que es un castrexo ou castrexa que vive nas proximidades Castellum Tude, (que sería o punto de orixe, polo tanto número 1) e queres facer unha viaxe ata Lucus Augusti. Ordena as diferentes localidades que atoparías na túa viaxe....Habeas bonum iter.
- "Castellum Tude"
- "Vicus Spacorum"
- "Ad duo Pontes"
- "Aquae Celenae"
- "Glandimiro"
- "Iria Flavia"
- "Assegonia"
- "Brevis"
- "Aquae Quintiae"
- "Lucus Augusti"
Opción C: Calcula as distancias da túa viaxe polo Imperio
Neste enlace atoparás un mapa interactivo do Imperio romano que calcula as distancias segundo as vías e os medios de comunicación da época.
Calcula e anota no teu caderno:
Canto tardarías en chegar desde a localidade máis próxima o teu lugar de residencia ata Roma a cabalo, en verán e en inverno. A que pensas que é debido a diferenza?
Modifica as variables e preme calcula a ruta.....!!!
Canto se tardaría desde Brigantium ata Antiochia.
Licenciado baixo a Licenza Creative Commons Atribución Non-comercial Compartir igual 4.0