Conxunto de territorios ou nacións gobernados por unha soa autoridade, xeralmente un emperador ou unha emperatriz ou unha potencia central.
Exemplo:
O Imperio romano foi moi extenso.
Monarquía
Definición:
Forma de goberno na que a persoa xefa do estado é un ou unha monarca (rei, raíña, emperador etc.), cuxo cargo adoita ser hereditario.
Exemplo:
O rei e a raíña son ás persoas máis importante nunha monarquía.
República
Definición:
Forma de goberno na que a persoa xefa de estado é elixido, directa ou indirectamente, pola cidadanía, en lugar de ser hereditario.
Exemplo:
Na república manda o presidente ou presidenta.
Antes de comenzar preguntámonos
Antes de iniciar un tema sobre o Imperio romano, é útil formular unha serie de preguntas que axuden a orientar o estudo e a comprensión dos aspectos máis relevantes deste período histórico:
Como se fundou Roma? Como pasou dunha monarquía a un imperio?
Cal foi a extensión do Imperio romano? Como influíu a xeografía na súa expansión?
Como era a sociedade romana? Cal foi o papel das mulleres e da escravitude? Era unha sociedade xusta?
Cal foi o impacto das crenzas relixiosas na vida cotiá da poboación romana?
Cal foi o impacto das artes e das infraestruturas romanas no noso presente? Cal foi o seu legado aínda vixente para nós?
Para levar conta de todo o acontecido empregaremos o diario de aprendizaxe, unha especie de caderno de bitácora onde anotaremos o que vaiamos aprendendo, así como o que consideremos oportuno do proceso de ensino-aprendizaxe.
Muller romana tocando a cítara
Agora, repasa a imaxe anterior e pensa cal puido ser o papel da muller no mundo romano tendo en conta os seus distintos status sociais e a súa riqueza. Pensa sobre estas cuestións:
Cres que os seus roles eran moi limitados?
Como cres que podían exercer influencia e participar nas actividades públicas?
Lectura facilitada
Antes de comezar a estudar o Imperio romano, é importante facer algunhas preguntas. Estas preguntas axúdannos a entender mellor o que imos aprender sobre este tempo da historia.
Preguntas para pensar
Como se fundou Roma?
Quen a creou e como empezou a súa historia?
Como pasou Roma dunha monarquía a un imperio?
Que cambios se produciron no seu goberno?
Cal foi a extensión do Imperio romano?
Ata onde chegaron os seus territorios?
Como influíu a xeografía na súa expansión?
Como era a sociedade romana?
Quen tiña máis poder?
Cal era o papel das mulleres e das persoas escravas?
Podemos dicir que era unha sociedade xusta?
Como eran as crenzas relixiosas dos romanos?
De que maneira influían na vida diaria das persoas?
Que achegaron as artes e as construcións romanas?
Que cousas da súa arquitectura e da súa cultura seguimos usando hoxe?
Cal é o seu legado que aínda está presente no noso tempo?
Agora, repasa a imaxe anterior e pensa cal puido ser o papel da muller no mundo romano tendo en conta os seus distintos status sociais e a súa riqueza. Pensa sobre estas cuestións:
Cres que os seus roles eran moi limitados?
Como cres que podían exercer influencia e participar nas actividades públicas?
Durante este tema, imos usar un diario de aprendizaxe. Este diario é como un caderno de viaxe onde escribiremos:
o que imos aprendendo,
o que máis nos chama a atención,
e o que pensamos sobre o que estamos estudando.
Así poderemos lembrar mellor o aprendido e reflexionar sobre o noso progreso
É moi importante que o cubras porque para aprender... hai que reflexionar!
Lembra:
Pregunta ao teu profesor ou profesora se a encherás en papel ou no computador. Se a cobres no computador, non te esquezas de gardala no teu equipo cando a termines! Ánimo, que o farás xenial!
Antes de seguir, resposta as preguntas da fase 1 no voso