Fase final: Creamos "O gran libro das emocións"
Chegamos á última tarefa do proxecto! Agora imos reunir todas as lendas nun só libro máxico, que quedará gardado na biblioteca da escola para que outras persoas poidan lelas e sentir as emocións que contades.
Que temos que facer?
- Escribir a versión orixinal da lenda (a que fixestes no grupo).
- Escribir tamén a versión adaptada.
- Podedes facelo a man ou a ordenador, pero con coidado, boa letra e presentación limpa.
- As dúas versións deben ir nun folio de cor, segundo a emoción principal da vosa historia.
Cores das emocións
Escolleredes a cor do folio segundo a emoción principal da vosa lenda:
- 🔴 Amor / Alegría → FOLIO VERMELLO
- 🔵 Tristeza → FOLIO AZUL
- 🟢 Medo → FOLIO VERDE
- 🟡 Ira / Rabia → FOLIO AMARELO
- 🟣 Sorpresa → FOLIO LILA
- ⚪️ Emoción indefinida ou mixta → FOLIO BRANCO (para as persoas lectoras que queiran deixarse sorprender!)
E logo?
Cando teñades todo listo, xuntaremos os traballos para facer o noso Gran Libro das Emocións. Cada lenda terá a súa páxina de cor, e así poderemos ler por emocións... ou simplemente deixar que o corazón escolla!
- Non esquezades revisar a ortografía e presentación antes de entregar.
- É recorda, ao principio desta fase tes a rúbrica de autoavaliación deste reto.
Lectura facilitada
Imos reunir todas as lendas nun só libro máxico.
Quedará gardado na biblioteca da escola.
Faremos
- Escribir a versión orixinal da lenda (a que fixestes no grupo).
- Escribir tamén a versión adaptada.
- Podedes facelo a man ou a ordenador.
- As dúas versións deben ir nun folio de cor.
Cores das emocións
- Amor / Alegría → FOLIO VERMELLO
- Tristeza → FOLIO AZUL
- Medo → FOLIO VERDE
- Ira / Rabia → FOLIO AMARELO
- Sorpresa → FOLIO LILA
- Emoción indefinida ou mixta → FOLIO BRANCO (para as persoas lectoras que queiran deixarse sorprender!)
Ao final xuntaremos os traballos para facer o noso "Gran Libro das Emocións".
Coidade ortografía e presentación antes de entregar.
Ao principio desta fase tes a rúbrica de avaliación deste reto.