As nosas emocións están entrelazadas co que recordamos e antes de meternos de cheo no proceso creativo queremos que  activedes os vosos coñecementos  sobre distintos aspectos que xa traballastes nos cursos pasados. Esta tarefa ten unha finalidade moi clara: que consigades superar os distintos retos propostos cunha gran satisfacción persoal e grupal.

Nesta primeira fase, faredes unha actividade en grupo, para saber de onde partides nos temas que traballaredes a continuación, incluíndo información extra que cremos que  vos resultará interesante para partir do coñecido e do que tedes máis preto.

Despois, repasarás contidos do curso pasado con actividades variadas. Así, recordarás que nas historias se agochan moitas emocións a través da comunicación, as partes dun texto literario, os tipos de textos e as súas intencións.

Finalmente,  é imprescindible que recordedes  a importancia de escoitar, ler e entender textos literarios de autores e autoras, especialmente da literatura galega.