Cun clic chegamos lonxe!
Seguramente na túa contorna observas que frecuentemente as persoas reciben e envían correos electrónicos.
Así é, o correo electrónico é un medio moi estendido para comunicarse, sobre todo dentro do ámbito profesional, xa que resulta moi útil.
Esta canle permítenos poder reflexionar con calma sobre o contido que imos escribir, repasar a ortografía, o léxico empregado...
Ademais temos a vantaxe de que podemos programar tamén cando queremos envialo e envíar arquivos adxuntos.
Neste apartado imos ver que é exactamente un correo electrónico, cales son as súas partes e como se envía.
Logo proporemos unha serie de actividades onde practiquemos o uso desta canle de comunicación moi similar á carta.
Lectura facilitada
Moitas persoas reciben e envían correos electrónicos.
O correo electrónico úsase moito, sobre todo nos traballos.
Permite repasar e corrixir as mensaxes escritas.
Podemos programar cando queremos envialo e envíar arquivos.
Imos ver que é un correo electrónico, cales son as súas partes e como se envía.
Logo faremos unha serie de actividades para practicar o seu uso.
Audio
Que é un correo electrónico?
Un correo electrónico é un servizo de intercambio de mensaxes que se envía a través de Internet por medio dun ordenador ou outro dispositivo electrónico. Non se trata de mensaxería instantánea, senón que ten un estilo máis parecido á da carta. Permítenos escribir textos longos a unha ou varias persoas ou entidades destinatarias.
Lectura facilitada
Un correo electrónico é unha mensaxe que se envía a través de Internet.
Pódese utilizar un ordenador ou outro dispositivo electrónico.
Non chega en tempo real, ten un estilo parecido ao da carta.
Permítenos escribir textos longos a unha ou varias persoas.
Audio
Partes dun correo electrónico
Podemos dividir o correo electrónico en seis partes fundamentais:
Asunto
Breve resumo do contido do argumento. Cando se trata de algo urxente convén poñelo xa aquí.
Remitente
Persoa (ou entidade) á que vai dirixido o correo electrónico.
Destinatario
Trátase do enderezo do correo electrónico ao que imos enviar o noso correo. Podemos enviar a varios destinatarios á vez.
Sinatura
Información sobre a persoa destinataria: nome, cargo...
Adxuntos
Son os arquivos que podemos engadir de forma adicional.
Lectura facilitada
Asunto
Breve resumo do contido do argumento.
Cando se trata de algo urxente convén poñelo xa aquí.
Remitente
Persoa ou organismo á que vai dirixido o correo electrónico.
Destinatario
É o correo electrónico ao que imos enviar o noso correo.
Podemos enviar a varias persoas á vez.
Sinatura
Información sobre a persoa á que se dirixe: nome, cargo...
Adxuntos
Son os arquivos que podemos engadir se queremos.
Audio
Como se envía un correo electrónico?
O correo electrónico é moi sinxelo de enviar. Temos que seguir os seguintes pasos:
- Acceder á conta de correo electrónico. Para ter unha conta de correo electrónico como norma xeral débese ter 14 anos, nalgunhas contas de correo pódese ter 13 anos con consentimento parental.
- Redactar o corpo do correo.
- Escribir o asunto.
- Escribir o destinatario onde pon "para".
- Asinar o documento.
- Xuntar un arquivo (se é o caso).
- Revisar e darlle ao botón de enviar.
Lectura facilitada
O correo electrónico é fácil de enviar. Segue estes pasos:
- Entra na conta de correo electrónico.
- Redacta o corpo do correo.
- Escribe o asunto.
- Escribe o destinatario onde pon para.
- Pon o teu nome no documento.
- Introduce o arquivo (se necesitas).
- Revisa e dálle ao botón de enviar.
Para ter unha conta de correo electrónico como norma xeral débese ter 14 anos, 13 co permiso da familia.
Audio
Exemplo de correo electrónico
