A importancia de ser amables
As persoas ao longo do día temos múltiples interaccións con outras: no instituto, coa familia, coas amizades, nas actividades extraescolares ou en calquera outra situación.
Nestas interaccións sociais é fundamental ser persoas respectuosas coas demais.
Temos que evitar usos da linguaxe verbal que conteñan comentarios despectivos sobre a raza, o sexo, a orientación sexual, a condición física ou intelectual...
Ademais tamén evitaremos facer xestos de ameaza, obscenos ou calquera outro que poida intimidar os demais.
Lembra que a todas as persoas nos gusta que sexan amables con nós!
Lectura facilitada
Durante o día temos moita relación cos demais.
Relacionámonos en moitas situacións: no instituto, coa familia, coas amizades...
Nas relacións sociais é importante respectar os demais.
Ao falar cos demais debemos evitar comentarios ofensivos.
Por exemplo, evitemos dicir comentarios ofensivos sobre a raza, o sexo, o físico...
Tamén evitaremos facer xestos de ameaza ou que poidan ofender.
A todas as persoas nos gusta que sexan amables con nós!