Agora exploramos!
A continuación, achegamos unha serie de preguntas para preparar o voso traballo de investigación sobre a Rede.
Este traballo farédelo en grupo e de maneira cooperacional.
Repartiredes as preguntas entre cada grupo e despois poredes toda información en común.
Esa información resultado de xuntar todo o traballo dos equipos recollerase nun documento conxunto, que posteriormente (na fase 4) servirá para elaborar o díptico.
Preguntas:
- Cal é a orixe das redes sociais?
- Que tipos de redes sociais existen?
- Cales son as vantaxes e cales as desvantaxes do emprego das redes sociais?
- Cal é a idade mínima para acceder ás redes sociais en España?
- Cales son os principais perigos da Rede?
- Como se poden previr os riscos da Rede?
- Que é a intelixencia artificial? Que usos coñeces dela?
Engadide vós calquera outra cuestión que vexades de interese para o proxecto.
Lectura facilitada
Agora imos facer o traballo de investigación sobre Internet.
Este traballo é en grupo.
Cada grupo ten unhas cuestións para buscar.
Logo xuntades toda a información en común.
Con toda a información recollida faise un documento.
Na fase 4 usaremos o documento para facer un díptico.
Temas de busca:
- Orixe das redes sociais
- Tipos de redes sociais
- Vantaxes e desvantaxes das redes sociais
- Idade mínima para ter redes sociais en España
- Principais perigos de Internet
- Maneiras de protexerse dos riscos de Internet
- A intelixencia artificial e o seu uso
Quredes engadir algo máis?
Podedes comentar as ideas co grupo.
Moito ánimo!
Audio
Estratexias de cortesía e cooperación
Á hora de elaborar o traballo, lembra ter en conta as seguintes recomendacións:
- Debes ser unha persoa respectuosa cos demais membros do grupo.
- Escoita atentamente as intervencións dos membros do grupo.
- Agarda a túa quenda para intervir.
- Se estás en desacordo con algo, transmíteo de maneira respectuosa.
- Intenta non berrar nin facer xestos que poidan molestar os demais.
- Non utilices palabras ofensivas ou discriminatorias para dirixirte aos demais membros do grupo.
Lectura facilitada
Para facer o traballo segue estes consellos:
- Respecta as persoas do grupo.
- Escoita atentamente cando alguén do grupo fala.
- Agarda a túa quenda para intervir.
- Dille ao teu grupo as cousas que che molestan con respecto.
- Non berres.
- Evita facer xestos ofensivos.
- Non digas palabras ofensivas ou discriminatorias.