Tócache afrontar o reto final, pero non partes de cero. Que tes feito até o de agora?

Tes todas as gravacións musicais precisas para exemplificar a música dramática. O teu traballo como intérprete está rematado.

Que che falta por facer?

Nestes intres xa coñeces a que equipo de traballo pertences (guionistas, produción, técnico ou escenografía). Ao igual que nun teatro, aquí tamén é importante a colaboración para a representación final. Chegou o momento de diversificar o traballo. Localiza as funcións do teu equipo accedendo ao apartado correspondente que está a continuación desta explicación.

Lembra que este reto depende da implicación de todos e todas. Xa case está!