Glosario

Auditorio

Definición:

Edificio destinado a representacións artísticas, preferentemente musicais.

Exemplo:

Onte publicaron a programación do Auditorio de Galicia para este outono.

Escenario

Definición:

Espazo acoutado dun teatro ou auditorio no que se realizan as actuacións.

Exemplo:

A representación comezaba co escenario totalmente a escuras.

Teatro

Definición:

Construción destinada á representación de espectáculos escénicos.

Exemplo:

Fomos ao teatro a ver a representación de Iriña bailarina, o teu conto favorito.

Arriba o pano!

Imaxe dun escenario baleiro iluminado co pano aberto

Benvidos e benvidas a "Este cole é un teatro". Que se levante o pano!

Coñecerás todos os segredos da música dramática e compartirás a experiencia co resto do colexio. Deste xeito, o resto do alumnado terá a oportunidade de descubrir o marabilloso mundo da escena.

Lectura facilitada

Benvidos e benvidas.

Visitaremos un teatro,

aprenderemos cousiñas sobre el e

contarémosllas a todo o colexio nun vídeo.

Audio

Que imos aprender?

Pictograma de traballo grupal con tres persoas sentadas arredor dunha mesa traballando As partes dun teatro ou auditorio.

Música vocal e música instrumental.

Clasificación das voces.

As profesións vencelladas á música escénica.

A música dramática:

ópera
zarzuela
musical

Linguaxe musical:

as figuras musicais e os seus silencios
compases 3/4 e 4/4.

Interpretación instrumental de diferentes números dramáticos.

Organización dun evento musical.

Gravación e edición dun vídeo informativo.