Música instrumental

Definición:

Composición elaborada para ser interpretada por instrumentos.

Exemplo:

A música instrumental axuda a relaxar a mente.

Música vocal

Definición:

Composición musical elaborada para ser cantada, con ou sen instrumentos acompañantes.

Exemplo:

O concerto rematou cunhas pezas de música vocal do século XVI.

Clasificación das voces humanas

Definición:

As voces humanas clasifícanse en dous grandes grupos: voces de home e voces de muller ou neno e nena. Para as voces infantís tamén se emprega o termo "voces brancas".

Exemplo:

A clasificación das voces dun coro é fundamental para o seu coidado e educación.

Voces de home

Definición:

Dentro das voces de home e segundo o seu ámbito sonoro, é dicir, segundo os sons que son capaces de emitir, diferenciamos tres tipos:

Tenor (voz máis aguda)
Barítono (voz intermedia)

Baixo (voz máis grave)

Exemplo:

Enrico Caruso foi un dos tenores máis famosos da historia da música.

Voces de muller e voces brancas

Definición:

Dentro das voces de muller e voces brancas, e segundo o seu ámbito sonoro, é dicir, segundo os sons que son capaces de emitir, diferenciamos tres tipos:

Soprano (voz máis aguda)
Mezzosoprano (voz intermedia)
Contralto (voz máis grave)

Exemplo:

Mañá iremos ao auditorio a un recital de piano e mezzosoprano.