4.1. A receita máxica

Glosario

Lema

Definición:: Un lema é unha frase, xeralmente curta, que trata de impulsar unha idea como base dunha actividade, empresa, sociedade etc.
Exemplo:: Este podería ser o lema dunha escola ou academia que impulse as gañas de aprender do seu alumnado.

Lexibilidade

Definición:: É a facilidade e claridade con que se pode ler e entender un texto.
Exemplo:: O lema da esquerda ten unha lexibilidade baixa porque as letras vense borrosas.

Técnica plástica

Definición:

É o conxunto de procedementos e métodos que usamos para elaborar unha obra plástica, xa sexa un debuxo, unha pintura, unha escultura...

Serían as ferramentas (pinceis, espátulas, punzóns etc.), os medios (óleo, acuarela, témpera etc.) e os modos ou procedementos adecuados de usar ambos.

Exemplo:

A técnica plástica da colaxe caracterízase por pegar anacos de diferentes tipos de materiais (por exemplo: papeis de xornais, revistas, fotografías...).

Pasos a seguir

Distribuíde os grupos de traballo.
Neste apartado teredes as claves para levar a cabo o voso cartel.
Lede con atención todos os puntos e tomade notas se o precisades.
No derradeiro punto, escolleredes idea que ides plasmar no voso deseño.
Esbozade varias versións para o voso cartel e escollede unha.
Recordade que é importante introducir un lema ou pequeno texto.
Preparade o formato segundo as indicacións e os materiais que ides precisar.
Agora toca traballar en equipo!

Lectura facilitada

Distribuíde os grupos de traballo.
Lede con atención todos os puntos deste apartado e tomade notas se o precisades.

Teredes as claves para levar a cabo o voso cartel.

No derradeiro punto, escolleredes a idea que ides plasmar no voso deseño.
Esbozade varias versións para o voso cartel e escollede unha. Recordade que é importante introducir un lema ou pequeno texto.
Preparade o formato segundo as indicacións e os materiais que ides precisar.
Agora toca traballar en equipo!

Audio

Compoñentes do voso cartel

Aquí tedes un cartel de exemplo que vos servirá para identificar os compoñentes que debe ter o voso cartel e que se describen a continuación:

Fondo

Fondo dun cartel É o soporte do cartel, o papel que escollades, e pode ser manipulado con pintura, debuxos etc.

Pode ter unha cor lisa ou levar un estampado feito por vós.

Pero tedes que ter coidado de que non sexa a parte máis rechamante.

Imaxe

Imaxe dun cartel Será a parte principal do cartel, ocupará o maior espazo.

Utilizade unha técnica mixta para creala, é dicir; podedes mesturar debuxo, pintura, fotografía manipulada con pintura ou rotuladores e outros materiais, a modo colaxe.

Recordade todo o que aprendestes sobre a importancia de xogar coas cores, as texturas, os diferentes tipos de liñas e planos; e aplicádeo!

Estudiade que tipo de composición das que coñecedes agora, queredes usar.

A imaxe representará a idea que escollades, en relación á loita contra a violencia de xénero, mediante a metáfora visual.

Se non sabedes o que é a metáfora visual, seguide lendo o que se explica no seguinte apartado!

Lema e textos

Tipografía dun cartel Lema e texto que acompañan a imaxe e reforzan a mensaxe transmitida.

Tedes que coidar a tipografía, é dicir, o deseño das letras, que se vexan atractivas pero sen perder lexibilidade.

A cor tamén é importante, os textos deben destacar do fondo.

Podedes mesturar diferentes tipos de letras dentro do mesmo cartel:

- Entre aquelas feitas a man (irregulares e orgánicas) e aquelas chamadas "de imprenta" (caracterizadas por ser máis xeométricas e con separación entre letras).

- Entre diferentes tamaños de letras.

- E incluso entre maiúsculas e minúsculas.

Conciencia ecolóxica

Icona de reutilización Xa sabedes a importancia de coidar o voso planeta incluso con pequenos xestos!

Por isto, entre os materiais diversos que poderedes aplicar na imaxe e/ou no fondo, debedes incluír algún material de refugallo, como anacos de papeis diversos, plásticos, madeira etc.

Lectura facilitada

Fondo:

É o soporte do cartel, o papel que escollades, e pode ser manipulado con pintura, debuxos etc.
Pode ter unha cor lisa ou levar un estampado feito por vós.
Pero tedes que ter coidado de que non sexa a parte máis rechamante.

Imaxe:

Será a parte principal do cartel, ocupará o maior espazo do mesmo.
Utilizade unha técnica mixta para creala, é dicir, podedes mesturar entre debuxo, pintura, fotografía manipulada con pintura ou rotuladores e outros materiais a modo colaxe.
Recordade todo o que aprendestes sobre a importancia de xogar coas cores, as texturas, os diferentes tipos de liñas e planos e aplicádeo!
Estudiade que tipo de composición das que coñecedes agora, queredes usar.
A imaxe representará a idea que escollades, en relación á loita contra a violencia de xénero, mediante a metáfora visual.
Se non sabedes o que é a metáfora visual, seguide lendo o próximo apartado.

Lema e textos:

Lema e texto que acompañan a imaxe e reforzan a mensaxe transmitida.
Tedes que coidar a tipografía, é dicir; o deseño das letras, que se vexan atractivas pero sen perder lexibilidade.
A cor tamén é importante, os textos deben destacar do fondo.

Podedes mesturar diferentes tipos de letras dentro do mesmo cartel:

Entre aquelas feitas a man (irregulares e orgánicas) e aquelas chamadas "de imprenta" (caracterizadas por ser máis xeométricas e con separación entre letras).
Entre diferentes tamaños de letras.
E incluso entre maiúsculas e minúsculas.

Conciencia ecolóxica:

Xa sabedes a importancia de coidar o voso planeta incluso con pequenos xestos!
Por isto, entre os materiais diversos que poderedes aplicar na imaxe e/ou no fondo, debedes incluír algún material de refugallo, como anacos de papeis diversos, plásticos, madeira etc.

Metáfora visual

A metáfora visual é un recurso gráfico no que se usa un elemento visual, como unha imaxe ou un símbolo, para representar ou simbolizar unha idea ou algo abstracto. É como cando vedes unha árbore con raíces profundas que pode representar a idea de conexión co pasado ou as vosas raíces culturais. Basicamente, é usar imaxes para comunicar ideas que van máis alá do que se ve a primeira vista.

A continuación, podedes ver algúns exemplos de metáforas visuais:

"Amor que mata"

Esta imaxe dun ramo de rosas que esconde un puñal representa o amor daniño.

O ramo de rosas simboliza un agasallo de amor, pero a arma camuflada representa os perigos agochados nunha relación tóxica.

"Equilibrio entre razón e emoción"

Sobre unha balanza vedes un corazón que representa a emoción e un cerebro que simboliza a razón.

As dúas persoas ao redor da balanza tentan de tomar boas decisións facendo equilibrios entre aquelas impulsivas e subxectivas froito da emoción, e aquelas lóxicas e obxectivas, froito da razón.

"Facer voar a nosa imaxinación"

A lámpada como símbolo de idea é universal.

Neste caso vedes que ten ás, o que engadiría o significado de facer voar a vosa imaxinación.

Non poñer límites á creatividade.

Lectura facilitada

A metáfora visual é un recurso gráfico no que se usa un elemento visual.

Úsase como unha imaxe ou un símbolo, para representar ou simbolizar unha idea ou algo abstracto.

É como cando vedes unha árbore con raíces profundas que pode representar a idea de conexión co pasado ou as vosas raíces culturais.

Basicamente, é usar imaxes para comunicar ideas que van máis alá do que se ve a primeira vista.

Audio

Soporte e técnica

Soporte: papel, cartón ou cartolina de tamaño A3 (29,7 x 42 cm). A orientación do cartel pode ser horizontal ou vertical, o que mellor encaixe co voso deseño.

Técnica plástica: mixta e libre. Podedes empregar rotuladores, lapis de cores, acuarela, témpera etc. Pero recordade que debedes empregar material de refugallo (anacos de xornais, revistas ou calquera outro material que poidades pegar no voso cartel).

Lectura facilitada

Soporte: papel, cartón ou cartolina de tamaño A3 (29,7 x 42 cm).
Técnica plástica: mixta e libre.

Podedes empregar rotuladores, lapis de cores, acuarela, témpera etc.

Pero recordade que debedes empregar material de refugallo (anacos de xornais, revistas ou calquera outro material que poidades pegar no voso cartel).

Audio

Temas

A violencia contra as mulleres ten lugar en múltiples situacións das que xa falamos ao longo deste reto (celos, control, menosprezo, violencia psicolóxica, violencia física etc.)

Chega a hora de facer un listado con todas elas: interviredes todos os grupos para crear un listado común no encerado.

Dese listado, cada grupo elixirá unha: será o tema do voso cartel!

Lectura facilitada

A violencia contra as mulleres ten lugar en múltiples situacións das que xa falamos ao longo deste reto (celos, control, menosprezo, violencia psicolóxica, violencia física etc.)

Chega a hora de facer un listado con todas elas: interviredes todos os grupos para crear un listado común no encerado.

Dese listado, cada grupo elixirá unha: será o tema do voso cartel!

Audio

Licenciado baixo a Licenza Creative Commons Atribución Non-comercial Compartir igual 3.0