Glosario
Equilibrio
-
Definición:
-
É a distribución harmoniosa dos elementos dunha composición, de maneira que sexa percibida a estabilidade visual.
-
Exemplo:
-
Na imaxe, o cadrado pequeno está no lado oposto do negro para equilibrar a composición. Pero, a pesar de ter menor tamaño, a súa cor vermella ten un maior peso visual que o compensa.
Formato
-
Definición:
-
É a forma e dimensións do espazo que se utiliza para facer unha composición visual.
-
Exemplo:
-
As máis comúns son as rectangulares, cadradas, circulares e ovaladas.
Peso visual
-
Definición:
-
É a capacidade dun elemento para atraer a atención do espectador. Dito peso depende das súas calidades visuais, como son a forma, a cor ou a textura.
Por exemplo, as cores cálidas teñen un maior peso que as frías. As cores saturadas teñen mais peso que os tons pastel.
En canto ás formas, teñen maior peso visual as formas grandes e xeométricas, coma cadrados ou círculos, e tamén as formas complexas.
Os elementos illados tamén posúen un maior peso visual que os agrupados. -
Exemplo:
-
Na imaxe, podes observar como as calidades de cada elemento e a súa distribución no cadro acadan unha composición equilibrada.
Regra dos terzos
-
Definición:
-
É unha forma de composición na que o cadro está atravesado por dúas liñas imaxinarias horizontais e outras tantas verticais que o dividen en 9 partes, de maneira que a distribución dos elementos principais coincide con ditas liñas ou nos puntos de intersección das mesmas, logrando así unha imaxe máis harmoniosa e equilibrada.
-
Exemplo:
-
No cadro, vedes como o horizonte da paisaxe coincide coa liña horizontal inferior. En canto aos outros elementos máis potentes da composición, a árbore queda aliñada coa primeira liña vertical mentres que a lúa está no espazo definido pola outra liña vertical e a horizontal superior. A pesar do maior tamaño da árbore, esta queda equilibrada coa cor cálida e máis intensa da lúa.
Agora que xa coñecedes os elementos visuais (punto, liña, plano, forma, cor e textura), é o momento de falar da composición.
Neste esquema, os elementos sitúanse a ambos lados dun eixo imaxinario, normalmente no centro da obra, creando unha sensación de igualdade e harmonía.
Os elementos distribúense equilibradamente arredor dun punto central imaxinario, que adoita estar no centro do cadro.
