Glosario

Escarvadentes

Definición:: Pau fino e pequeno, rematado en punta, que serve para coller os alimentos ou para limpar os dentes dos restos de comida.
Exemplo:: En Galicia o polbo cómese con escarvadentes, no lugar de empregar un garfo.

Coñecemos o sentido do tacto

Fai clic neste vídeo para coñecer como funciona o sentido do tacto.

Identifica as partes da pel

Preme sobre as frechas en función da parte da pel á que se refire.

Capa externa que protexe a pel dos axentes externos coma bacterias, virus e fungos. Ten uns orificios polos que entra o osíxeno e sae a suor.

Capa media da pel na que se atopan os vasos sanguíneos, as glándulas sudoríparas e receptores que recollen a información do exterior e a levan ao cerebro.

Capa máis interna que separa a pel dos órganos internos. A súa función é manter a temperatura do corpo. Nela nace o pelo.

Capaces de percibir estímulos como a temperatura (frío ou calor), a presión ou a dor.

Cada un dos filamentos que medran na pel.

O navegador non é compatible con esta ferramenta.

Experimenta

Duración:: 20:00
Agrupamento:: Parellas

Mide o teu sentido do tacto!

A túa pel non é igual de sensible en todo o teu corpo. Descubre cales son as partes máis sensibles.

O que necesitas:

Sete escarvadentes redondeados
Catro cartolinas de 12 x 8 cm
Unha regra
Un bolígrafo ou lapis

Poñémonos mans á obra:

1. Elabora unha táboa como a que se presenta a continuación.

2. Constrúe o teu propio dispositivo de medición. Se traballas en parellas ou en grupos, é suficiente construír un só conxunto de medidores.

Pega un escarvadentes nunha tarxeta.
Escribe na segunda tarxeta 0,5 cm. Introduce dous escarvadentes a unha distancia de 0,5 cm entre eles. Usa a regra para medir a distancia.
Escribe na terceira tarxeta 1 cm. Pega dous escarvadentes a unha distancia de 1 cm entre eles.
Escribe 5 cm na cuarta tarxeta. Pega dous escarvadentes a unha distancia de 5 cm entre eles.
En parella, por quendas, un compañeiro preme coas tarxetas na pel do outro, e este ten que adiviñar que tarxeta utilizou.

Imos medir:

O compañeiro debe ter os ollos pechados.
Escolle unha tarxeta sen dicirlle de cal se trata.
Toca suavemente coas puntas dos escarvadentes (ou a punta se escolliches tarxeta que só ten unha) a punta dos dedos do teu compañeiro. A clave é facelo suavemente.
Se usas unha tarxeta con dous escarvadentes, asegúrate de que os dous extremos toquen a pel da túa parella ao mesmo tempo.
Pregúntalle ao teu compañeiro cantas puntas sente. Escribe a resposta no taboleiro.
Experimenta con diferentes tarxetas e asegúrate de usar ocasionalmente a tarxeta dun só punto. Continúa ata completar toda a táboa e saber cales son as partes máis sensibles do corpo da túa parella.

A continuación cámbiate co teu compañeiro e volvede a realizar todo o proceso de medición.

Que pasa?
O teu corpo está cuberto de sensores de presión. Cando a túa parella che toque cas puntas dos escarvadentes, os sensores de presión da túa pel envían unha mensaxe ao teu cerebro dicindo "algo estame tocando". Nos teus dedos, os sensores de presión están moi xuntos. Na parte traseira están moito máis separadas. De feito, tes 100 veces máis sensores de presión na punta dos dedos que nas costas.
É por iso que as puntas dos dedos son moito máis sensibles.

Ferramentas de exploración:
Mide e conta: este experimento permíteche medir o sensible que é o teu sentido de tacto. Que parte do teu corpo é máis sensible? É máis sensible o teu sentido do tacto que o do teu amigo?