Glosario

Paneis informativos

Definición:: Superficie plana que serve de soporte para presentar información, propaganda...
Exemplo:: Coloca no panel informativo o horario do centro escolar.

Unimos os distintos desafíos

É hora de xuntar todas as pezas e compoñer a nosa criatura final!

Para iso, debes seguir os pasos que se amosan a continuación:

Os paneis informativos

Coloca o Visual Thinking que elaboraches co teu equipo nos paneis informativos xunto aos outros grupos. A suma dos diferentes traballos completará a información toda sobre os sentidos e o seu funcionamento.

Conectamos cerebro e man

Por un lado, no segundo desafío, montaches xunto ao teu equipo unha man articulada, e no terceiro desafío, usando a robótica, montaches unha peza que reacciona a diferentes estímulos, como o fai o corpo humano a través dos sentidos.

Chega o momento de unir estas dúas creacións. Reúnete co teu equipo e buscade a maneira de conectar estas dúas pezas.

Trátase de que o desprazamento do robot provoque o movemento dun dedo da man.

Unha criatura viva!

Poñede a proba á vosa criatura, sometédea a diferentes tipos de estímulos e comprobade que reacciona como estaba previsto.

Lectura facilitada

É hora de montar a nosa criatura final!