Como viches no vídeo, nesta novela de Mary Shelley nárrase a historia dun estudante de ciencias naturais chamado Víctor Frankenstein, que logra dar vida a un ser creado por el mesmo a partir de partes de corpos sen vida de persoas e animais.

O reto desta situación de aprendizaxe será crear unha criatura capaz de levar a cabo a función de relación. Para iso, nós tamén dividiremos o reto en pequenas partes, ou desafíos, que xuntas darán lugar a nosa particular criatura.

Desafío 1: o teu equipo encargarase de investigar sobre un dos cinco sentidos e elaboraredes un Visual Thinking sobre o seu órgano e as súas partes.

Desafío 2: deseñaredes unha man articulada en base ao aprendido sobre o aparato locomotor e construiredes o voso propio prototipo.

Desafío 3: montaredes un robot que simule as conexións do sistema nervioso e que reaccione aos estímulos como o fai o noso corpo.