Adiante co desafío
Agora enfrontaraste ao desafío de elaborar un Visual Thinking co teu equipo. O teu mestre asignaravos un dos sentidos estudados a cada un dos grupos.
Deberedes representar toda a información sobre o sentido e o seu funcionamento nunha cartolina de tamaño A3, utilizando debuxos, imaxes e símbolos que nos axuden a comprender os aspectos máis importantes do mesmo.
Deberá conter o órgano e as súas partes, explicar como funciona e tips para o seu coidado.
Podes volver a revisar a información sobre o sentido explicado en apartados anteriores.
Lectura facilitada
Realizarás un Visual Thinking co teu equipo.
O teu mestre mandarache un dos sentidos traballados.
Representade toda a información sobre o sentido e o seu funcionamento.
Usaredes unha cartolina de tamaño A3.
Podedes empregar debuxos, imaxes e símbolos.
Deberá conter o órgano e as súas partes, explicar como funciona e tips para o seu coidado.
Podes volver a revisar a información sobre o sentido.
Audio
Como se fai un Visual Thinking?
Para elaborar un Visual thinking temos en conta os seguintes pasos:
1º Ordena as ideas principais do contido que ides transmitir (a explicación do sentido que vos asignou o voso mestre).
2º Selecciona as imaxes, debuxos e símbolos que ides a incluír (frechas, viñetas, barras, globos...).
3º Recorda que deben distribuírse de forma ordenada e clara sen que se vexa un exceso de imaxes que nos leven á confusión.
4º Utiliza diversas cores para diferenciar as ideas.
Fai clic no seguinte enlace se precisas ver algúns exemplos.
Lectura facilitada
Para elaborar un Visual thinking temos en conta os seguintes pasos:
1º Ordena as ideas principais do contido que ides transmitir.
2º Selecciona as imaxes, debuxos e símbolos.
3º Coloca a información de maneira ordenada e clara. Non abuses das imaxes.
4º Utiliza diversas cores para diferenciar as ideas.
Fai clic no enlace se precisas ver algúns exemplos.