Miniexperiencia 1: O aire ten masa?
Para comprobar se o aire ten masa, imos construír unha balanza cunha percha, fío e dous globos.
- Inflade os dous globos ata que teñan un tamaño semellante.
- Atade cada globo a un dos extremos da percha cun fío.
- Suspendede a percha por un punto de apoio e equilibrádea ata que quede paralela ao chan.
- Estourade un dos globos cun obxecto punzante e observade que acontece coa balanza.
Que conclusións podedes sacar deste experimento?
Cuestión 1
Cara onde pensabades que se inclinaría a percha?
Cuestión 2
Explica coas túas palabras os resultados desta miniexperiencia.
Lectura facilitada
Comprobamos que o aire ten masa!
Imos facer unha balanza caseira cunha percha, fío e dous globos para comprobar que o aire pesa.
- Inchade dous globos ata que sexan case iguais en tamaño.
- Atade cada globo a un extremo da percha cun fío.
- Colgade a percha dun punto de apoio e axustádea ata que quede recta, paralela ao chan.
- Estourade un dos globos cun obxecto punzante e mirade que pasa coa balanza.
Que conclusións podedes sacar deste experimento?
Cuestión 1
Antes de estourar o globo, cara onde pensabades que se ía inclinar a percha?
Cuestión 2
Explica coas túas palabras o que pasou e por que cres que ocorreu así.
Como ves, as miniexperiencias serven para levar á práctica e comprobar os contidos que estudaches.