Antes de desmontar calquera boato, primeiro temos que identificalo e localizar fontes de información fiables que nos axuden a comprobar a súa veracidade.
Así, para dar comezo ao voso reto, seguiredes estes pasos:
Paso 1
Identificar falsas crenzas espalladas entre a poboación
Buscaredes boatos sobre o cambio climático en redes sociais, novas ou conversas.
Paso 2
Buscar información fiable sobre o tema
Investigaredes en fontes científicas e anotaredes os datos clave que refuten cada un deles.
Paso 3
Anotar as fontes de información
Gardaredes as referencias das fontes para poder citalas máis adiante.
Como distinguimos entre unha "fonte de información fiable" e outra que non o é?
Cando buscamos información sobre un tema importante, como o cambio climático, debemos asegurarnos de que provén dunha fonte fiable. Pero... que significa iso?
Unha fonte de información fiable é aquela que proporciona datos baseados en estudos científicos e investigacións rigorosas. Estas fontes deben ser obxectivas, estar actualizadas e indicar claramente de onde saen os seus datos.
Son exemplos de fontes fiables:
Organismos científicos internacionais
Reúnen especialistas de todo o mundo e basean as súas conclusións en datos rigorosos e continuas revisións.
Exemplos:
ONU (Organización das Nacións Unidas)
OMS (Organización Mundial da Saúde)
IPCC (Grupo Intergubernamental de Persoas Expertas sobre o Cambio Climático)
ESA (Axencia Espacial Europea)
NASA (Administración Nacional da Aeronáutica e do Espazo)
Revistas e medios de comunicación científica
Ofrecen información baseada en estudos revisados por persoas expertas, garantindo rigor e obxectividade.
Exemplos:
Nature
Science
National Geographic
Climática
Centros de investigación e outras entidades científicas
Realizan estudos e experimentos para avanzar no coñecemento, sendo referentes en innovación e descubrimentos.
Exemplos:
CSIC (Consello Superior de Investigacións Científicas)
AEMET (Axencia Estatal de Meteoroloxía)
Non toda a información que atopamos en Internet ou nas redes sociais é certa.
Son exemplos de fontes pouco fiables:
Blogs ou páxinas web sen respaldo científico
Adoitan basearse en opinións persoais ou información sen revisión experta, o que pode levar á difusión de datos erróneos ou enganosos.
Publicacións en redes sociais sen referencias
Calquera persoa pode publicar información sen necesidade de demostrar a súa veracidade nin apoiar os seus contidos en fontes contrastadas.
Medios de comunicación sensacionalistas ou que non citan as súas fontes
Tenden a esaxerar ou distorsionar os feitos para chamar a atención, sen proporcionar probas verificables que sustenten as súas afirmacións.
Como saber se unha fonte de información é fiable?
Para comprobar se unha fonte é fiable ou non, podes empregar a seguinte rúbrica:
Verificación da fiabilidade dunha fonte de información
Criterio
Si
Non
A información provén dunha institución recoñecida
Explícase claramente a orixe dos datos
A autoría corresponde a unha persoa experta no tema
Está actualizada
Se todas as respostas son "Si", é unha boa fonte! Se algunha é "Non", mellor buscar outra fonte máis segura.
Identificar a fiabilidade dunha fonte de información axúdanos a informarnos mellor, evitando caer en noticias falsas ou boatos!
Lectura facilitada
Cando buscamos información sobre algo importante, como o cambio climático, é importante que veña de fontes fiables.
Fontes fiables:
Organismos científicos
Grupos que traballan con persoas expertas e datos reais.
Exemplos:
ONU (Organización das Nacións Unidas)
OMS (Organización Mundial da Saúde)
IPCC (Grupo Intergubernamental de Persoas Expertas sobre o Cambio Climático)
ESA (Axencia Espacial Europea)
NASA (Administración Nacional da Aeronáutica e do Espazo)
Revistas e medios científicos
Xornais ou revistas que revisan correctamente os datos.
Exemplos:
Nature
Science
National Geographic
Climática
Centros de investigación
Facer estudos e descubrir novas cousas.
Exemplos:
CSIC (Consello Superior de Investigacións Científicas)
AEMET (Axencia Estatal de Meteoroloxía)
Fontes pouco fiables:
Blogs e páxinas non científicas
Só dan opinións sen datos verificados.
Redes sociais sen referencia ás fontes
Calquera pode poñer o que queira sen demostrar que é certo.
Medios sensacionalistas
Tenden a esaxerar as noticias sen aportar probas.
Como saber se a fonte é fiable?
Para comprobar se unha fonte é fiable ou non, podes empregar a seguinte rúbrica:
Verificación da fiabilidade dunha fonte de información
Criterio
Si
Non
Vén dunha institución recoñecida?
Explica de onde saen os datos?
A persoa que a escribiu é experta no tema?
Está actualizada?
Se as respostas son "Si", é unha boa fonte! Se non, mellor busca outra fonte.
Nivel profesional!
Convertédevos en profesionais de verdade: consultade fontes de confianza.
Para ser auténticas e auténticos profesionais na vosa área de estudo, é fundamental basear o voso coñecemento en información rigorosa e actualizada. Por iso, recomendámosvos que consultedes fontes de prestixio con base científica. Existen numerosas plataformas en liña que vos permitirán acceder a artigos, estudos e investigacións contrastadas.
Algunhas webs de referencia son:
Google Scholar – Buscador de artigos e traballos académicos.
Scielo – Biblioteca científica con multitude de publicacións.
Antes de aceptar unha información como válida, verificade sempre a súa orixe e asegurádevos de que procede dunha fonte fiable. Así, poderedes mellorar a vosa formación e convertervos en verdadeiras profesionais do voso ámbito.
×
Lectura facilitada
Convertédevos en profesionais: consultade fontes de confianza.
Para ser persoas expertas no que estudades, é importante usar información correcta e actualizada.
Buscade fontes de confianza que teñan base científica.
Hai moitas webs onde podedes ler artigos e investigacións fiables.
Algunhas páxinas recomendadas son:
Google Scholar – Buscador de artigos e traballos académicos.
Scielo – Biblioteca científica con multitude de publicacións.
Identificar falsas crenzas espalladas entre a poboación
Buscar información fiable sobre o tema
Anotar as fontes de información