4. Fóra boatos!

Glosario

Divulgación científica

Público atendendo a unha charla científica

Definición:: Comunicación de coñecementos e descubrimentos científicos de forma clara e accesible, co fin de fomentar o interese pola ciencia e combater a desinformación.
Exemplo:: A divulgación científica xoga un papel clave na loita contra o cambio climático, explicando de forma clara os seus efectos e as posibles solucións.

Fonte de información fiable

Definición:: Recurso que ofrece datos correctos e contrastados sobre un determinado tema, normalmente proporcionados por persoas expertas na materia ou entidades de confianza.
Exemplo:: Para coñecer a realidade do cambio climático, é importante consultar fontes de información fiable que ofrezan datos verificados.

Retomando o reto

Este reto ten como obxectivo desmontar boatos sobre o cambio climático a través da ciencia e a consulta de fontes de información fiable.

Para iso, actuaredes como persoas expertas en investigación e divulgación científica, identificando crenzas falsas e dándolle resposta a través de argumentos baseados na ciencia.

O voso traballo rematará cun documento visual (póster, infografía ou tríptico) que poderá ser presentado á comunidade educativa para promover a loita contra a desinformación e concienciar sobre o impacto do cambio climático.

Lectura facilitada

Neste reto, o obxectivo é desmontar os boatos sobre o cambio climático coa ciencia.

Seredes persoas expertas, identificando crenzas falsas e dando respostas baseadas na ciencia.

Ao final, faredes un póster, infografía ou tríptico.

Despois, podedes mostralo ao resto do centro escolar, para concienciar sobre o cambio climático.

Pingas de inspiración!

A continuación, preséntase un exemplo de cada un dos modelos de reto propostos, que vos poden servir como fonte de inspiración á hora de deseñar o voso traballo.

A través das seguintes ligazóns podedes descargar cada un dos exemplos anteriores en PDF.

Licenciado baixo a Licenza Creative Commons Atribución Non-comercial Compartir igual 4.0