1.2.2 A pegada ecolóxica

É un indicador que determina a área bioloxicamente produtiva necesaria para xerar os recursos que consome unha persoa e absorber os refugallos que xera, sen ter en conta o lugar en que se atopan as áreas estudadas.

Se o reparto fose equitativo, corresponderíanos a cada persoa 1,8 hectáreas, mais a media mundial está en 2,23 hectáreas. Os resultados están baseados na observación dos seguintes aspectos:

• Hectáreas utilizadas para urbanizar, xerar infraestruturas e centros de traballo.

• Hectáreas necesarias para proporcionar o alimento vexetal preciso.

• Superficie necesaria para pastos que alimenten o gando.

• Superficie mariña necesaria para producir o peixe.

• Hectáreas de bosque necesarias para asumir o CO₂ froito do noso consumo enerxético.

Desvío dalgúns países con respecto á media equitativa de pegada ecolóxica (1,8 hectáreas)
Clasificación 2003	País	Poboación (millóns)	Pegada ecolóxica	Desvío do axeitado
1	Emiratos Árabes	3	11'9	10,1
2	Estados Unidos	294	9'6	7,8
3	Finlandia	5'2	7'6	5,8
4	Canadá	31'5	7'6	5,8
5	Kuwait	2'5	7'3	5,5
6	Australia	19'7	6'6	4,8
7	Estonia	1'3	6'5	4,7
8	Suecia	8'9	6'1	4,3
15	España	41'1	5'4	3,6
46	México	103'5	2'6	0,8
50	Chile	15'8	2'3	0,5
55	Arxentina	38'4	2'3	0,5
57	Venezuela	25'7	2'2	0,4

A estratexia dos tres erres

Cada vez é maior a cantidade de residuos sólidos urbanos (RSU) que xeramos diariamente. O exceso de envases e embalaxes, asociado ás condutas cada vez máis consumistas, fainos producir case 1 kg de desperdicios sólidos por habitante e día.

Cada vez é maior a cantidade de residuos sólidos urbanos (RSU) que xeramos diariamente. O exceso de envases e embalaxes, asociado ás condutas cada vez máis consumistas, fainos producir case 1 kg de desperdicios sólidos por habitante e día.

Esta conduta pouco coidadosa coa conservación do medio colapsa os vertedoiros de residuos xa construídos e obriga a construír máis incineradoras de RSU, cos problemas de contaminación que isto produce.

Fronte a esta dinámica de dispendio, de usar e tirar, outras posturas defenden a chamada estratexia dos tres erres: readaptar, reutilizar, reciclar:

• Readaptar: darlle a un obxecto que xa non teña utilidade un uso diferente do orixinal.

• Reutilizar: volver a utilizar un obxecto co uso para o que foi concibido

• Reciclar: aproveitar a materia prima dun obxecto para fabricar outro de igual ou distintas características

Estas estratexias pretenden, en definitiva:

• Reducir: producir menos lixo. Aforrar e aproveitar máis eficazmente os recursos. Potenciar as industrias limpas.

O desastre dos tres C

• Consumismo.

• Contaminación.

• Corrupción.

Cuestionario para reflexionar sobre o comportamento propio

• Intenta reutilizar cousas que teña en vez de tiralas ou mercar outras?

• Usa ao máximo as posibilidades de reciclaxe da súa parroquia, vila ou cidade?

• Usa panos e trapos de tecido?

• Fai compostaxe cos desperdicios orgánicos?

• Prefire arranxar un obxecto antes de mercar outro?

• Fai compras coas bulsas reutilizables?

• Pecha a billa cando lava os dentes?

• Apaga a luz cando sae dunha habitación que queda baleira?

• Usa papel reciclado?

• Utiliza o transporte colectivo, ou bicicleta para ir á clase, ao traballo?

• Deposita o vidro nos iglús de recollida?

• Elixe produtos verdes no supermercado?