1.1.7 División da Terra segundo criterios económicos

A Terra divídese en dous mundos, separados por unha liña imaxinaria:

• O Norte: tamén coñecido como Primeiro Mundo, onde vive o 20% da poboación, que acumula o 80% da riqueza.

• O Sur:coñecido como Terceiro Mundo, onde vive o 80 % da poboación, que só dispón do 20% da riqueza.

É un reparto inxusto: para que o Primeiro Mundo viva nun estado de benestar, é necesario que millóns de persoas do Terceiro Mundo vivan na miseria.

Algunhas causas do desigual acceso ao desenvolvemento

• Desigual crecemento da poboación. Nas últimas décadas produciuse a desaceleración do crecemento da poboación mundial.

• Alta natalidade dos países de renda baixa, e aumento da poboación, que non pode ser mantida cos recursos económicos existentes na rexión.

• Desequilibrios entre mundo urbano e rural, as cidades atraen o mundo rural.

• Desigualdades entre home e muller.

• Escravitude e emigración: homes e mulleres que foxen da miseria.

• Desequilibrio económico:

• Inxusta distribución da riqueza (proteccionismo dos países ricos). O aumento progresivo da poboación orixina maior presión sobre os recursos naturais.

• Fame e alimentación (malnutrición).A FAO considera que no mundo hai 800 millóns de persoas que sofren graves carencias de alimentación. Fronte a esta lacra mundial, a sobrealimentación no primeiro mundo causa numerosas doenzas.

• Os recursos enerxéticos e minerais. As enerxías fósiles, a enerxía nuclear ou hidroeléctrica son empregadas case en exclusividade por países desenvolvidos; os países subdesenvolvidos deben seguir utilizando combustibles tradicionais.

• A débeda externa e a axuda ao desenvolvemento. Os países pobres están endebedados cos países ricos ou con institucións financeiras internacionais.

• Desiguais intercambios comerciais. Os países ricos bloquean as exportacións agrícolas dos países pobres, protexendo as propias e abaratando os prezos.

• Conflitos xeopolíticos: boa parte dos países pobres sofren a violencia provocada por enfrontamentos étnicos, relixiosos ou sociais. En realidade, estas loitas amosan a debilidade dos seus gobernos, moitos ditatoriais.

• Dependencia tecnolóxica: os países pobres carecen de tecnoloxía propia ou de capacidade para asimilar a dos países ricos, o que xera grandes desequilibrios.

• Problemas ambientais: o acceso á auga potable, ben moi escaso, e o cambio climático (desertización, perda de biodiversidade e contaminación atmosférica).

• Difícil acceso á sanidade e á educación.

• Doenzas (malaria, SIDA) e fames castigan a poboación, que non ten acceso a medicamentos nin a médicos. A poboación emprega a súa vida e o seu tempo en sobrevivir, na procura de alimentos e auga. Isto limita o acceso á educación.

• O 25% da poboación adulta mundial é analfabeta, non sabe ler nin escribir. O 98% do analfabetismo mundial concéntrase nos países subdesenvolvidos.

Causas extraeconómicas do subdesenvolvemento	Razón do estancamento	Solución e comentarios
	Determinismos: Demográfico: superpoboación. Racial e relixioso. Medio físico: clima, vexetación... Recursos naturais escasos. Falta de clase empresarial.	Ningunha. Hai países con grandes recursos naturais, pero non desenvolvidos. Hai países superpoboados e moi desenvolvidos.

Poboación mundial (produción mundial que consome)
	Norte	Sur
Enerxía. Metais. Madeira. Combustibles fósiles. Aceite.	70 % 75 % 85 % 79 % 75 %	30 % 25 % 15 % 21 % 25 %

O desenvolvemento económico debe centrarse nos seres humanos máis que nas nacións e promover os dereitos e as oportunidades das persoas como fin último