Este é o REA (Recurso Educativo Aberto) número 7 -dun total de 9- elaborado no proxecto cREAgal para a área de Matemáticas de 6º de Educación Primaria.

A situación de aprendizaxe desenvolvida ten como obxectivo a aprendizaxe de distintas magnitudes -lonxitude, capacidade, masa, superficie, tempo, ángulos e volume- e as súas unidades, nun contexto real: a organización dunha viaxe dentro da realidade máis próxima ao alumnado. 

Este é o REA (Recurso Educativo Aberto) número 8 -dun total de 9- elaborado no proxecto cREAgal para a área de Matemáticas de 6º de Educación Primaria.

A situación de aprendizaxe desenvolve os contidos do currículo relacionados co sentido espacial a través da arte, estudando as figuras planas e as súas propiedades, utilizando, principalmente, os cadros de Kandinsky. Ademais, inclúense as obras doutros autores e autoras, para ampliar o estudo do plano ao espazo.

Este é o REA (Recurso Educativo Aberto) número 9 -dun total de 9- elaborado no proxecto cREAgal para a área de Matemáticas de 6º de Educación Primaria.

Ao longo da situación de aprendizaxe, o alumnado coñecerá como analizar os gastos familiares a través dunha sondaxe. No proceso, traballará con datos dos fogares galegos e nacionais obtidos do IGE e do INE, e aprenderá a facer simulacións con experimentos.

Este é o REA (Recurso Educativo Aberto) número 1  -dun total de 8- elaborado no proxecto cREAgal para a área de Lingua Galega e Literatura de 6º de Educación Primaria.

A situación de aprendizaxe está deseñada co fin de introducir o alumnado na elaboración de textos, na creación dunha animación en stop motion e na reflexión sobre a situación do galego na actualidade.

O reto proposto ao alumnado será crear un texto narrativo para logo transformalo nunha animación de stop motion, incluíndo expresións en galego para que perduren na nosa sociedade.

Este é o REA (Recurso Educativo Aberto) número 2  -dun total de 8- elaborado no proxecto cREAgal para a área de Lingua Galega e Literatura de 6º de Educación Primaria.

A situación de aprendizaxe ten como tema os contos e introduce o alumnado na diversidade e riqueza das linguas, as bases da gramática (categorías de palabras, substantivo, xénero e número, ditongos e hiatos, acentuación, prefixos e sufixos) e na creación colaborativa de contidos textuais en formato dixital, desenvolvendo simultaneamente competencias lingüísticas, tecnolóxicas e creativas.

Este é o REA (Recurso Educativo Aberto) número 3  -dun total de 8- elaborado no proxecto cREAgal para a área de Lingua Galega e Literatura de 6º de Educación Primaria.

A situación de aprendizaxe trata sobre o impacto das nosas acción no medio ambiente e está deseñada para introducir o alumnado na creación de textos descritivos, narrativos, expositivos, de diálogo e argumentativos no contexto da concienciación ambiental. 

Este é o REA (Recurso Educativo Aberto) número 4  -dun total de 8- elaborado no proxecto cREAgal para a área de Lingua Galega e Literatura de 6º de Educación Primaria.

A situación de aprendizaxe parte da investigación de lendas locais ou historias familiares; cada nena e neno recollerá unha vivencia emocional que servirá como punto de partida para a creación dunha historia propia en pequenos grupos. Este recurso está deseñado para que o alumnado explore e exprese emocións a través da narración oral e escrita en lingua galega.

Este é o REA (Recurso Educativo Aberto) número 5  -dun total de 8- elaborado no proxecto cREAgal para a área de Lingua Galega e Literatura de 6º de Educación Primaria.
A situación de aprendizaxe está deseñada para traballar co alumnado diferentes persoeiros destacados da nosa cultura. Partiremos de personaxes galegos e galegas moi coñecidos e coñecidas para fomentar o interese e a motivación.

O reto proposto será a elaboración dunha cápsula do tempo onde o alumnado recolla os documentos que elabore, contribuíndo desta forma á perdurabilidade da cultura galega.

.

Este é o REA (Recurso Educativo Aberto) número 6  -dun total de 8- elaborado no proxecto cREAgal para a área de Lingua Galega e Literatura de 6º de Educación Primaria.

A situación de aprendizaxe está deseñada co fin de introducir o alumnado na creación de diferentes tipos de textos. Para elaborar o produto do reto utilizarán diferentes tipos de textos cos que se pretende traballar a comprensión e a creación colectiva de documentos.

A proposta para o alumnado será crear un xornal ou revista para dar solución á situación actual da lingua galega na prensa escrita.

Este é o REA (Recurso Educativo Aberto) número 7  -dun total de 8- elaborado no proxecto cREAgal para a área de Lingua Galega e Literatura de 6º de Educación Primaria.

O recurso está deseñado para traballar co alumnado o emprego e creación de diferentes tipos de textos non literarios. Partiremos do contorno máis inmediato, a localidade onde vive, para a partir dese eixo analizar información e crear os seus propios textos.