O gran libro das emocións

Este é o REA (Recurso Educativo Aberto) número 4 elaborado no proxecto cREAgal para a materia de Lingua Galega e Literatura de 6º de Educación Primaria.

Este recurso está deseñado para que o alumnado explore e exprese emocións a través da narración oral e escrita en lingua galega. A partir da investigación de lendas locais ou historias familiares, cada neno e nena recollerá unha vivencia emocional que servirá como punto de partida para a creación dunha historia propia en pequenos grupos.

Cada grupo escollerá unha emoción como fío condutor e elaborará un relato que formará parte dun libro colectivo: "O gran libro das emocións".