Batalla de concellos!

Este é o REA (Recurso Educativo Aberto) número 7 elaborado no proxecto cREAgal para a materia de Lingua Galega e Literatura de 6º de Educación Primaria.

O recurso está deseñado para traballar co alumnado o emprego e creación de diferentes tipos de textos non literarios. Partiremos do entorno máis inmediato, a localidade onde vive, para a partir dese eixo analizar información e crear os seus propios textos.

Trataremos de fomentar a creatividade propoñendo que os nenos e as nenas creen o seu propio concello imaxinario que deberá conter aqueles elementos e instalacións que consideren de importancia.