Definición:
Algo que provoca unha acción ou resposta no corpo.
Exemplo:
O disparo da pistola fai que as persoas atletas comecen a correr.
Definición:
Responder a un estímulo rapidamente.
Exemplo:
O atleta saíu cara á meta ao escoitar a pistola.
As saídas son o primeiro movemento dunha carreira e son fundamentais, especialmente nas probas de velocidade. Unha boa saída pode marcar a diferenza.
A saída indícase co sinal "Xa". Considérase nula se a persoa atleta se move ou sae antes de escoitalo; se isto ocorre, será descualificado ou descualificada da proba.
Existen dous tipos de saídas.
As saídas son o primeiro movemento dunha carreira.
Unha boa saída pode marcar a diferenza.
A saída indícase co sinal "Xa".
Considérase nula se a persoa atleta se move ou sae antes de escoitalo.
Existen dous tipos de saídas.
Antes de comezar a carreira, cada segundo conta. No atletismo, a saída é clave. A persoa xuíza, guía aos atletas coa súa voz para que cada movemento se execute no momento correcto.
As voces “Preparados/as”, “Listos/as” e “Xa” marcan unha secuencia exacta que permite transformar a concentración e a tensión en velocidade explosiva. Aprender a interpretar cada sinal é esencial para unha saída eficaz e segura, e é unha habilidade que todo membro do Comité Olímpico Galego debería coñecer e valorar.
O corpo está listo para transformarse en velocidade, mantendo a forza concentrada nos ombreiros e nas pernas.
No atletismo, a saída é moi importante.
A persoa xuíza dá as indicacións:
Estas palabras axudan aos atletas a concentrarse e saír rápido.
Agora que xa coñecedes as características das saídas nas carreiras de velocidade, é momento de pasar á acción e experimentar na práctica o que significa reaccionar e arrancar como verdadeiros e verdadeiras velocistas.
Dentro de cada comisión, organizádevos por parellas:
Por comisións, desprazádevos correndo libremente polo espazo. Cando a persoa docente dea o sinal, deberedes conxelarvos inmediatamente adoptando a posición de saída en 5 apoios (dúas mans no chan, dous pés apoiados e o corpo preparado para o impulso).
Ao escoitar un segundo sinal, deberedes iniciar a carreira de forma explosiva, realizando os primeiros pasos con boa técnica.
Reunídevos por comisións, cada unha delas formando un círculo.
Todas as persoas integrantes colocaranse en posición de saída en 5 apoios, mirando cara ao centro. No medio colocarase unha botella, que a persoa docente (ou outra do grupo) fará xirar.
Cando a botella se deteña, a persoa cara á que apunte deberá realizar unha saída explosiva e escapar. O resto do grupo reaccionará no mesmo momento para intentar pillala o máis rápido posible.
As persoas integrantes de cada comisión colócanse en liña, en posición de saída en 5 apoios. O desafío non é saír rápido, senón saír exactamente ao mesmo tempo.
A persoa docente dará as voces: “Preparados/as” – “Listos/as” – “Xa” e o grupo debe intentar saír o máis coordinado posible.
Agora que coñecedes as saídas nas carreiras de velocidade, é hora de practicar.
Dentro de cada comisión, traballade por parellas:
O sinal pode ser:
Por comisións, correde libremente polo espazo.
Ao escoitar un segundo sinal:
Reunídevos por comisións formando un círculo.
Cando a botella pare:
As persoas de cada comisión colócanse en liña en posición de saída en 5 apoios.
A persoa docente dará as voces:
O grupo debe saír coordinado ao mesmo tempo.
Licenciado baixo a Licenza Creative Commons Atribución Non-comercial Compartir igual 4.0