Un clima mediterráneo de escasas choivas e veráns cálidos, un relevo montañoso e pequenos vales, unha costa moi recortada e o contacto directo co mar, converteron ao Mediterráneo nun elemento clave na comunicación e na economía da Antiga Grecia.  

Na península balcánica había poucas terras fértiles para o cultivo, baseado en cultivos de secaño de cereais, vide e oliveira, e completada coa gandaría de cabras, ovellas e porcos, o que levou a que tivesen un papel máis importante outras actividades económicas como: 

1. A artesanía, por exemplo a cerámica que se exportaba a  diferentes puntos do Mediterráneo e Oriente Próximo. 
2. O control comercial dos mares (talasocracia), foi unha  destacada actividade económica, apoiada nunha importante flota mercante, e con base á moeda.
3. O comercio estendíase por todo o Mediterráneo. Importaban sobre todo trigo, papiro e madeira; e exportaban cerámica. Tamén comerciaban con escravos. Ademais, foi unha importante vía para a fundación de numerosas polis ao longo das costas do Mar Mediterráneo.
4. A escravitude e os botíns de guerra foron unha importante fonte de ingresos, xunto co cobro de impostos para manter os templos, pagar o exército ou construír obras públicas.