O mapa do tesouro
Nesta actividade ides crear un mapa que usaredes para que Lucho atope o tesouro. Podedes traballar en parellas ou en grupos pequenos.
Primeiro faredes un plano da planta do colexio na que está situada a vosa aula, non ten que ser a escala, pero debe ser o máis parecido posible á realidade. Tende en conta que nos mapas de tesouros o importante son as indicacións para poder chegar á prezada recompensa.
Despois decidiredes onde agochar o "voso tesouro" e poredes un X no mapa. Tamén teredes que pensar cal será o punto de partida e sinalalo no mapa coa palabra Saída.
Por último hai que escribir as indicacións para recorrer o traxecto ata chegar ao tesouro. Tedes liberdade para dar as instrucións que queirades, pero teredes que utilizar, como mínimo: compás para indicacións de xiro, cinta métrica para indicacións de movemento e o que se vos ocorra!
Pensade que con todo o que sabe agora Lucho respecto aos puntos cardinais e distancias, tería que ser quen de completar o reto coa información facilitada no mapa e nas indicacións.
Lectura facilitada
En parellas ou grupos pequenos crearedes un mapa do tesouro para orientar a Lucho.
Faredes un plano da vosa aula na planta do colexio onde se atopa.
Decidiredes un punto X onde colocaredes un tesouro.
No mapa tamén teredes que sinalar o lugar de Saída.
Escribiredes indicacións para que recorran o traxecto utilizando:
-compás para xiros
-cinta métrica para moverse
-o que se vos ocorra.
Co que sabe Lucho dos puntos cardinais, debería poder completar este reto.
