O comandante é o capitán da nave e toma as decisións máis importantes para o éxito da misión.
Exemplo:
O comandante conseguiu que os astronautas traballaran ben en equipo.
Especialista
Definición:
Persoa que ten coñecementos de ciencias, matemáticas, física, química, bioloxía ou aeronáutica, así como experiencia avanzada en tecnoloxía.
Exemplo:
O especialista instalou compoñentes de seguridade na aeronave.
Piloto
Definición:
O piloto é a man dereita do comandante, axuda no manexo da nave.
Exemplo:
O piloto colaborou en que a aterraxe fora un éxito.
Preparados!
Iste vai ser o primeiro xogo para o voso museo.
Traballaredes en grupos de tres persoas. Primeiro, faredes unha tarxeta identificativa de astronauta, na que iredes cambiando de profesión dentro dunha nave espacial. Seredes comandante, piloto e especialista.
Ao rematar cada misión, colorearedes o rol que vos tocou e escribiredes a fase ou fases nas que traballastes.
Despois elixiredes un planeta e buscaredes información co obxectivo de coñecelos todos.
Como hai moita información que buscar, repartirédesvos o traballo:
Quen tome o rol de comandante buscará a información do Bloque 1 do seguinte apartado.
Quen tome o rol de piloto buscará a información do Bloque 2.
Quen tome o rol de especialista encargarase da información do Bloque 3.
Cando teñades toda esa información, expoñeredes os vosos traballos no Museo Espacial, para que o resto do alumnado teña a oportunidade de aprender sobre os planetas.
Lectura facilitada
En grupos de 3 faredes unha tarxeta identificadora de astronauta.
Iredes cambiando de profesión dentro dunha nave espacial. Seredes comandante, piloto e especialista.
Ao rematar cada misión, colorearedes na tarxeta o rol que vos tocou e escribiredes a fase ou fases nas que traballastes.
Elixide un planeta. Buscade información sobre el.
O comandante buscará a información do Bloque 1.
O especialista buscará a información do Bloque 2.
O piloto buscará a información do Bloque 3.
Expoñeredes o voso traballo no Museo do Cole.
Listos!
Aquí tendes unha lista, por bloques, da información que teredes que atopar. Podedes engadir todos os datos curiosos que queirades!
Lembra facer un traballo que sexa de interese para todas as persoas que visiten o Museo Espacial.
Adiante!
Comandante - Bloque 1
Piloto - Bloque 2
Especialista - Bloque 3
Composición
Satélites
Distancia ao Sol
Forma
Aneis
Posición que ocupa respecto ao Sol
Cor
Trazos distintivos/curiosidades
Tempo en dar a volta ao Sol
Aquí tes unha ficha onde podes ir cubrindo as características do planeta elixido en formato editable.
Xa!
Agora que xa sabedes moito do voso planeta, imos crear un xogo de pistas para engadir ao Museo Espacial. Estes son os pasos que tedes que seguir:
Primeiro elixiredes algunha característica singular do voso planeta e a escribirédela nunha tarxeta. Por exemplo: "Chámanlle o planeta vermello".
Despois, pola parte de atrás da tarxeta, poñedes o nome do planeta ao que se refire a pista. Neste caso, "Marte".
Cando teñades as tarxetas de todos os equipos, podedes probar a ler as pistas na clase e ver se o resto das compañeiras e compañeiros son quen de adiviñar de que planeta se trata.
Por último incluiredes o xogo no Museo Espacial para que o resto do cole poida divertirse e pór a proba os seus coñecementos.
Lectura facilitada
Crearemos un xogo de pistas.
Nunha tarxeta escribide o máis interesante do voso planeta.
Por exemplo: "Chámanlle o planeta vermello"
Pola parte de atrás da tarxeta escribide o nome do planeta.
Lede as pistas na clase para comprobar que o resto de alumnado é quen de adiviñalo.
Xa tendes un xogo de pistas para o Museo Espacial.
Parabéns!
Avalíate!
Descarga as rúbricas das actividades anteriores en formato editable (podes empregar a opción que aparece no botón dereito do rato).
