Capas
A Terra está dividida en tres partes:
1. A atmosfera
2. A hidrosfera
3. A xeosfera
1. A atmosfera
É a capa gasosa da Terra.
A atmosfera envolve ao planeta.
A atmosfera protexe a Terra das radiacións daniñas do Sol.
Os principais gases que forman a atmosfera son o nitróxeno e o oxíxeno.
A atmosfera á súa vez está dividida en diferentes capas.
Na capa máis próxima á Terra danse os fenómenos atmosféricos coma choiva, neve e outros. Nesta capa tamén voan os avións.
Na capa máis afastada están os satélites e a Estación Espacial Internacional.
2. A hidrosfera
É a capa da Terra onde se atopa auga.
A auga pode estar :
-en estado sólido como na Antártida.
-en estado líquido como nos mares, océanos, ríos e lagos.
-ou gasoso como no vapor de auga.
3. A xeosfera
A xeosfera é a parte sólida da Terra.
A xeosfera está dividida en tres capas:
- A capa exterior chámase codia:
Na codia están os continentes, as illas e o fondo mariño.
- A capa media chámase manto:
O manto está debaixo da codia.
O manto está formado por rochas sólidas ou en estado líquido (tamén chamado magma).
O magma ás veces sae á superficie da Terra a través dos volcáns.
- E a capa central chámase núcleo.
O núcleo é o centro da Terra. Ten dúas partes:
- a parte interna formada por ferro e níquel
- a parte externa que é máis líquida.
A temperatura no núcleo é moi alta.
Satélites
A Lúa é o único satélite da Terra.
A Lúa é catro veces máis pequena que a Terra.
A Lúa está cuberta por cráteres e po.
A Lúa xira arredor da Terra.
Tarda 28 días en dar unha volta completa.
A Lúa vaise movendo e pasa por diferentes fases.
Isto quere dicir, que a súa forma varía dependendo da parte que ilumine o Sol.
Veremos a Lúa en catro formas diferentes, dependendo da parte que ilumina o sol.
Lúa nova:
A Lúa está situada entre a Terra e o Sol.
Non a vemos no ceo.
Cuarto crecente:
Vemos un cuarto da Lúa.
Crece ata que parece a letra D.
Lúa chea:
Podemos ver a Lúa completa.
Cuarto minguante:
A Lúa faise cada vez máis pequena ata semellar a letra C.
No vídeo poderás contemplar como cambia a Lúa segundo pasan os días nos que tarda en dar unha volta completa á Terra.
Curiosidade:
A primeira persoa en poñer un pé na Lúa foi o astronauta, de Estados Unidos, Neil Armstrong no ano 1969.
Precísanse catro días para chegar á Lúa en nave espacial.
Movementos
A Terra sempre se está movendo.
Hai dous movementos ao mesmo tempo:
1. A rotación
2. A translación
ROTACIÓN
A Terra xira sobre si mesma en dirección contraria ás agullas do reloxo.
A Terra tarda 24 horas en dar unha volta completa sobre si mesma.
Chamámoslle rotación ao movemento que a Terra fai sobre si mesma e dá lugar ao día e á noite.
Mentres xira:
-na parte da Terra que dá o Sol , e de día.
-na parte da Terra que non dá o Sol, é de noite.
TRANSLACIÓN
Chamámoslle translación ao movemento da Terra arredor do Sol.
A Terra tarda 365 días en dar unha volta completa ao Sol.
Trescentos sesenta e cinco días é un ano.
O camiño que recorre a Terra chámase órbita.
A órbita ten forma de elipse.
A este movemento chámase translación.
O movemento de translación da lugar ás estacións do ano:
-Primavera
-Verán
-Outono
-Inverno
Como a Terra está lixeiramente inclinada, ao xirar arredor do Sol, hai partes que reciben máis luz solar ca outras.
Por iso vai máis calor ou menos calor ao longo do ano.
Os días tamén son máis longos nunhas estacións que noutras.
Por exemplo:
-No verán os días son máis longos e as noites máis curtas.
-No inverno as noites son máis longas e os días máis curtos.
Sabías que:
cando en España son as 12 de mediodía...
xa é de noite en Australia?
Sabías que cando comeza o verán no hemisferio norte comeza o inverno no hemisferio sur?
Paralelos
Para localizar un lugar no noso planeta empregamos dúas medidas
Estas medidas son lonxitude e latitude.
As dúas mídense en graos.
As liñas de latitude tamén se chaman paralelos.
Son liñas imaxinarias circulares que recorren dende o leste ao oeste a Terra.
A latitude é a distancia en graos dende o Ecuador.
Hai 90º dende o Ecuador ao norte e 90º dende o Ecuador ao sur.
Galicia está na latitude norte e Arxentina na latitude sur.
Meridianos
As liñas de lonxitude tamén se chaman meridianos.
Os meridianos son liñas imaxinarias que van dende o Polo Norte ao Polo Sur da Terra.
A lonxitude é a distancia en graos dende o meridiano 0º.
O meridiano 0º chámase Meridiano de Greenwich.
Dende o Meridiano de Greenwich hai cento oitenta graos cara ao leste e cento oitenta graos cara ao oeste.
Galicia está na lonxitude oeste e Australia na leste.
Fusos horarios
A Terra xira sobre si mesma e tarda 24 horas en dar unha volta completa.
Mentres a Terra xira cambia o momento do día ou da noite en cada lugar do noso planeta.
Os fusos horarios creáronse para saber que hora é nos distintos lugares da Terra.
Os fusos horarios son divisións imaxinarias da superficie da Terra.
Cada división corresponde a unha rexión na que a hora é a mesma.
Hai 24 fusos horarios porque un día ten 24 horas.
A Terra divídese en 24 fusos horarios.
O punto de partida é o meridiano de Greenwich tamén chamado meridiano 0.
Cara ao leste (E) sumamos unha hora por fuso horario.
Cara ao oeste (O) restamos unha hora por cada fuso horario.
Por exemplo:
Se en Oporto son as 12 do mediodía, en Santiago de Chile son as 7 da maña.
Pois restamos cinco fusos horarios dende o meridiano 0.
En Tokio son as 9 da noite porque sumamos 9 fusos horarios dende o meridiano de Greenwich.
.jpg){kind=link}