Que é o diario de aprendizaxe?
Un diario de aprendizaxe é un documento no que escribirás sobre como vai o traballo que estás a facer.
No diario atoparás diferentes partes e preguntas que te axudarán a reflexionar sobre a maneira na que aprendes, as túas experiencias e opinións.
O diario de aprendizaxe é moi útil para ti mesmo e para o teu profesorado, xa que poderás valorar os teus progresos e obter moita información de como vas na aprendizaxe.
Lembra que, aínda que pode ser revisado polo profesorado, non é para avaliar. Escribe con sinceridade e analiza con franqueza a maneira na que aprendes xa que te axudará a coñecerte mellor para futuras aprendizaxes.
Cando usas o diario estás a desenvolver a túa autonomía ao tempo que reflexionas sobre a forma de aprender.
Lectura facilitada
Un diario de aprendizaxe é un documento
para que escribas sobre o traballo que fixeches en cada fase.
O diario ten preguntas para que reflexiones sobre as tarefas
e tamén para escribir a túa opinión.
O diario non é para avaliar,
pero a túa mestra ou o teu mestre o pode revisar
para saber como traballas.
Atende ás explicacións da clase sobre a forma de usar o diario.