No momento de realizar unha produción artística é importante seguir unha serie de pasos.
Pensa como te enfrontas á realización dun traballo de plástica.
Que pasos segues?
Como te organizas?
Fas algunha busca de información ou inspiración?
Contesta as preguntas e fai unha posta en común con todo o grupo.
Lectura facilitada
Para realizar unha obra artística
hai que seguir uns pasos.
Pensa como fas ti
un traballo de plástica.
Que pasos segues?
Como te organizas?
Procuras información?
Audio
1 - 2 - 4
Esta tarefa ten varios pasos:
1. Cando avise a persoa docente visualizaredes unha nube de palabras relacionadas cos obxectivos e o reto do proxecto.
2. Teredes un tempo para debuxar individualmente o que vos imaxinedes que hai que facer neste proxecto.
3. Rematado o tempo, compartiredes coa vosa parella o debuxo e seleccionaredes o que vos gusta dun e doutro.
4. Por último, faredes o mesmo co resto do equipo creando un novo debuxo coas achegas de todos e todas.
Tendes que plasmar o que recordes sobre Andy Warhol e a súa arte. Tamén tendes que expor a vosa experiencia sobre como vos imaxinades a instalación artística, algunha vez estivestes nalgunha? sabedes como funciona?
Durante esta fase de intercambio de coñecemento podedes debater sobre o reto, incluso comezar a propor ideas para crear o recuncho.
5. Cando remate o tempo, faredes unha posta en común con toda a clase.
Lectura facilitada
Esta tarefa ten varios pasos:
1. Cando avise a persoa docente
visualizaredes unha nube de palabras.
2. Teredes un tempo para debuxar
o que vos imaxinedes que hai que facer
neste proxecto.
3. Rematado o tempo,
compartiredes coa parella o debuxo
e elixiredes o que vos gusta.
4. Por último, faredes o mesmo que o equipo
creando un novo debuxo
coas todas as propostas.
Tendes que debuxar o que lembredes
sobre Andy Warhol.
Tamén tendes que contar a vosa experiencia
sobre instalación artística,
algunha vez estivestes nalgunha?
sabedes como funciona?
Durante esta fase
podedes falar sobre o reto,
mesmo propor ideas para o recuncho.
5. Cando remate o tempo,
faredes unha posta en común.
Audio
Folio xiratorio
Ademais de crear unha instalación artística e descubrir a Warhol, neste proxecto é moi importante dar a coñecer mulleres salientábeis en diferentes ámbitos (e se son galegas, mellor que mellor!).
Canto controlas sobre este tema? Propómosche a seguinte actividade para recoller todo o que xa sabedes ti e o teu equipo. Teredes que completar unha ficha con todas as mulleres galegas que recordedes no ámbito correspondente: literatura, artes escénicas (televisión e cine), música, política, ciencias e deporte. Para iso empregaredes a técnica do folio xiratorio no tempo que marque a persoa docente. Podedes descargala aquí en formato PDF (nova xanela) ou en formato editable.
Seguide os seguintes pasos:
Preparación
Cada equipo debe ter un folio, lapis e goma.
Comezar a escribir
Cando o indique a persoa docente, unha persoa do equipo escribe unha idea ou parte da resposta nunha das partes do folio que considere.
Xirar o folio
1. Unha vez escriba, pasa o folio á persoa da dereita.
2. A seguinte persoa, le o que está escritoeengade outra idea ou continúa co que se está a escribir.
Repetir
O folio vai xirando entre as persoas do equipo ata que remate o tempo marcado.
Posta en común
Ao terminardes, facede unha posta en común das achegas de todos os equipos e completade as que vos falten de ser o caso.
Lectura facilitada
Ademais de crear unha instalación artística
e descubrir a Warhol,
coñeceremos mulleres importantes (mellor se son galegas!).
Canto sabes sobre o tema?
Propómosche a seguinte actividade.
Completade unha ficha
con todas as mulleres galegas
que lembredes: literatura, cine, música, política, ciencias e deporte.
