Coñecemos a técnica

Como xa sabes, na obra de Andy Warhol podemos atopar unha gran cantidade de retratos de persoas moi importantes na súa época. Para iso, empregaba técnicas como a serigrafía, fotografía ou colaxe.

Unha das obras máis representativas deste artista é a que ten como protagonista a Marilyn Monroe, actriz moi popular nos anos 60.

Andy empregou unha fotografía dela cando rodaba a película Niágara tomada por Gene Korman e fixo ao redor de 50 obras baseándose nela. Unha das máis coñecidas é a que ten por nome "Marylin Diptych" (nova xanela). Para ela empregou a técnica da serigrafía facendo variacións das cores sobre a mesma imaxe.

Que tes que facer?

Propómosche que fagas unha serie de retratos variando e xogando coas cores e empregando diferentes técnicas.

E quen sairán neses retratos? Mulleres relevantes galegas de diferentes ámbitos: literatura, artes escénicas (cine e televisión), deporte, ciencia, política e música. Terás que atopar unha representante de cada ámbito e elixir unha desas imaxes como base do teu traballo nas seguintes actividades. Vamos alá!