Anuncio que ten como fin informar sobre algo importante.
Exemplo:
O alumnado de 5º de primaria vai preparar o cartel de Entroido para convidar o resto do alumnado á festa do próximo venres.
Colaxe
Definición:
Técnica que une recortes de imaxes ou papel para crear unha obra pictórica.
Exemplo:
Creei unha colaxe do universo utilizando imaxes de revistas.
Retrato
Definición:
Debuxo da cara dunha persoa.
Exemplo:
Hoxe, na clase de pintura, fixen un retrato da miña nai.
O reto
Warhol dedicouse a reflectir obxectos, lugares e personalidades de outros países esquecéndose de Galicia. Iso imos facelo nós! De que maneira?
En equipos teredes que crear unha instalación con recunchos artísticos para o resto de alumnado do centro. Nela, poderase observar, experimentar, manipular e transformar os materiais e obxectos que propoñades, así como descubrir mulleres relevantes galegas, iso si, sempre mantendo un toque Warhol. Nesta ligazón (nova xanela) podes ler un pouco máis sobre a súa vida.
Algunhas das actividades que che propoñemos son as seguintes:
Agamógrafo
Realizar unha obra de arte
Empregarás procesos da arte xeométrica para crear, con esta técnica artística, polo Día da Paz.
Cartel
Aprender sobre a publicidade
Descubrirás como Andy Warhol comezou a súa andaina no mundo da arte e crearás un cartel para anunciar a festa de Entroido do centro.
Colaxe
Coñecer novas técnicas
Aprenderás a facer colaxes ao estilo Warhol, empregando retratos de mulleres relevantes galegas.
Retrato
Xogar con efectos visuais
Probarás os efectos da luz negra sobre as cores lucentes, para facer retratos de mulleres galegas relevantes.
Só falta que lle poñas vontade e desfrutes moito con esta experiencia!
Comezamos!
Lectura facilitada
Warhol debuxou obxectos, lugares e persoas doutros países,
mais esqueceuse de Galicia.
Por iso o farás ti!
En equipos crearedes unha instalación artística
para o resto do colexio.
Na instalación os nenos e nenas
poderán experimentar con materiais e obxectos
e descubrir mulleres relevantes galegas
sempre usando o estilo de Warhol.
As actividades que che propoñemos son:
Agamógrafo: realizarás unha obra de arte con esta técnica polo Día da Paz.
Publicidade: crearás un cartel para anunciar a festa de Entroido do centro.
Colaxe: aprenderás a facer retratos co ordenador.
Ponlle vontade.
Comezamos!
Audio
Para saber máis: instalacións artísticas
Na fase 4 daraslle renda solta a túa creatividade para crear unha instalación con recunchos artísticos onde poderá gozar todo o cole, porén... algunha vez experimentaches nunha instalación de xogo? Oíches falar das instalacións artísticas? Non? Pois aquí podes ver algúns exemplos.
Instalacións artísticas
Podes acceder aquí (nova xanela) á galería da páxina web de Createctura, asociación pedagóxica que investiga e innova no mundo do deseño de espazos a través da arte e a creatividade.
Neste vídeo da mesma asociación podes ver uns exemplos de instalacións creadas para a infancia.
Instalacións de xogo
Aquí (nova xanela) podes ver exemplos de diferentes instalacións de xogos.
E no seguinte vídeo podes ver unha instalación en pleno funcionamento.
