Glosario
Rexistro
-
Definición:
-
Acción de anotar unha información para que quede constancia.
-
Exemplo:
Elaboramos o pan artesán grazas a un rexistro que atopamos na casa do avó.
Quen é quen?
4.2. Reto 2: Rexistramos o proceso
Rexistramos o proceso
Ides rexistrar todo o proceso de elaboración do xogo; para iso tedes que crear un documento final describindo dito proceso (co voso exemplo podedes axudar a que outras persoas se animen a facer un xogo ou algún outro material en lingua galega).
Debedes, polo tanto, facer un documento (en formato físico ou audiovisual) claro e organizado. Lembrade que neste rexistro hai que:
- Anotar toda a información do proceso de elaboración (dende a elección de personaxes ata a posta en práctica do xogo pola vosa parte) nun documento.
- Incluír opinións que vos xorden, en cada momento da creación, sobre os pasos que seguides (difícil, lento, interesante, mellorable etc) e os sentimentos (interese, preocupación, tranquilidade, presión etc).
- Revisar o rexistro por parte de todo o grupo.
Podedes levar un rexistro cun cadro parecido ao que amosamos a continuación.
Lectura facilitada
Escribimos todos os pasos que demos para a elaboración do xogo.
Creamos un documento con esta descrición.
Temos que lembrar:
Recoller a información do proceso desde a elección dos personaxes.
Escribir a información no documento.
Engadir as opinións que foron aparecendo.
Revisamos en grupo todo o proceso.
Audio
Apoio visual
Anotar a información do proceso de creación do xogo.
Incluír opinións e sentimentos que xorden no proceso de elaboración.
Revisar o rexistro.
Rexistro xogo "Quen é quen?"
| Opinión | Sentimento | |
|---|---|---|
| Primeiro: Elección xogo. | Doado. | Interese. |
| Segundo: Elección personaxes. | Difícil chegar a un acordo. | Interese. |
| Terceiro: Investigación personaxes. | Proceso longo. Non hai variedade de recursos en galego. | Frustración. |
| Redactar borrador das descricións. | Máis doado do que criamos. | Satisfacción. |
| Crear lista definitiva das descricións. | Proceso curto. | Tranquilidade. |
| Elaborar as cartas coas imaxes. | As persoas encargadas gozaron. | Diversión. |
| Crear dous taboleiros. | Houbo varios intentos antes de chegar á versión final. | Satisfacción ao ver o resultado. |
| Crear guía de preguntas a realizar polas persoas usuarias do xogo. | As persoas que coñecían o xogo axudaron moito. | Agradecidos a compañeiras que coñecian xogo. |
| Elaborar pequena descrición do xogo que explique contido, obxectivo e como xogar. | Varios intentos ata versión final clara e comprensible. | Paciencia na revisión. |
- Actividade
- Nome
- Data
- Puntuación
- Notas
- Reiniciar
- Imprimir
- Aplicar
- Nova xanela
Licenciado baixo a Licenza Creative Commons Atribución Non-comercial Compartir igual 4.0