Hoxe en día podemos atopar descricións de persoas en moitos soportes diferentes. O máis común sempre serán as entrevistas a deportistas, escritoras ou personaxes famosos en formato escrito e en soporte físico ou dixital. 

Co avance da tecnoloxía, o uso das redes sociais e de plataformas de vídeo, as entrevistas ampliaron as súas fronteiras e fan máis interesante o coñecer a alguén. Grazas ao soporte de vídeo ou audio podemos apreciar as características da voz, o ton, o ritmo, a risa... e moitas características que en formato de texto non poderiamos apreciar. 

Nesta unidade traballaremos as distintas modalidades de realizar unha biografía e a estrutura que a compón e, así, aprender a describirnos ben a nós mesmos e aos demais tamén.