Tal e como se vén observando nos últimos anos, a porcentaxe de galegofalantes está a diminuír substancialmente a cada ano que pasa en Galicia.

Isto xera un problema para a conservación do idioma propio ademais dunha perda da riqueza cultural que supón séculos de tradición oral, poetas, escritores e escritoras, artistas, músicos e músicas…  que se expresaron e se identifican ca lingua galega.

Para que non pensedes que é unha broma de mal gusto aquí tedes unha noticia do ano 2021 relacionada cun estudo realizado no concello de Ames onde se puido constatar coma o galego se atopa nunha situación regresiva por diversas razóns: sociais, familiares, educativas...

É por iso que necesitamos reverter esta situación ante un problema evidente e que medra día a día. Porén, podemos enfocar as posibles a solucións a dito problema dende varios terreos.

Un xeito de axudar a transmisión do galego e de loitar contra a súa perda é ofrecendo máis materiais lúdicos en lingua galega á sociedade (contos, música, debuxos animados...).