Reflexión
Que significa para ti un deseño responsable? Que aspectos terías en conta? Pon en común co resto do alumnado as túas conclusións.
Fundamentos do deseño
Funcións do deseño
Información
O deseño é unha actividade complexa que engloba múltiples aspectos económicos, sociais e culturais. O deseñador ten un grande impacto e unha responsabilidade na sociedade, especialmente na cultura de consumo na que vivimos.
Podemos destacar as seguintes funcións:
Función informativa
Unha das funcións máis destacadas dos produtos de deseño é a informativa ou pragmática. Esta dáse naqueles deseños nos que predominan os aspectos funcionais.
Función persuasiva
O deseño inflúe nas decisións da persoa usuaria.
Función identitaria
O deseño aporta aos produtos e ás marcas unha identidade que as diferenza do resto. O deseño corporativo é hoxe en día unha das funcións máis significativas.
Función simbólica
Os produtos están dentro nunha cultura dentro da cal adquiren un valor simbólico do que as marcas son moi conscientes.
Función estética
Esta función relaciónase coas características formais que provocan pracer estético.
Licenciado baixo a Licenza Creative Commons Recoñecemento Non-comercial Compartir igual 4.0