A

•  Alternador

Máquina eléctrica xeradora de corrente alterna.

•  Auditoría

Inspección e control da contabilidade e xestión dunha sociedade, empresa, organismo, etc.

B

•  Batería

Conxunto de acumuladores e pilas capaces de xerar e acumular enerxía eléctrica.

•  Ben de consumo

O que se usa para satisfacer directamente as necesidades específicas do último consumidor que o demanda e o adquire. Non buscan, polo tanto, producir outros bens ou servizos.

C

•  Corrente alterna

Tipo de corrente eléctrica que periodicamente cambia o sentido do seu movemento.

•  Corrente continua

Tipo de corrente eléctrica que sempre se move no mesmo sentido.

D

•  Dínamo

Xerador eléctrico que transforma a enerxía mecánica en enerxía eléctrica.

E

•  Enerxía eléctrica

A causada polo movemento das cargas eléctricas no interior dos materiais condutores.

•  Enerxía mecánica

A que resulta da capacidade dun corpo para realizar un traballo en función da súa posición (enerxía potencial) ou en función do seu movemento (enerxía cinética).

•  Enerxía química

A que se produce nas reaccións químicas.

•  Enerxía térmica

A causada polo movemento das partículas que constitúen a materia.

F

•  Factoría

Fábrica ou conxunto de fábricas que forman un complexo industrial. Caracterízase pola elevada presenza de maquinaria.

•  Forza

Causa capaz de deformar un corpo ou modificar o seu estado de movemento ou repouso.

M

•  Materia prima

Elemento que a industria, coa súa tecnoloxía, é capaz de transformar en produto elaborado. Pode ser un elemento da natureza, recurso natural, ou un produto semielaborado por outro proceso industrial.

•  Mecánica

Parte da Física que trata do equilibrio e do movemento dos corpos sometidos a unha forza.

•  Motor

Aparello que transforma unha enerxía calquera en movemento.

•  Movemento

Cambio de posición dun corpo no espazo con relación a un sistema de referencia.

P

•  Pila

Xerador que transforma en enerxía eléctrica a enerxía producida por unha reacción química.

R

•  Resistencia

Física: oposición que presenta un corpo a unha forza contraria. / Electricidade: elemento pouco condutor que se introduce nun circuíto eléctrico para dificultar o paso da corrente, xeralmente co fin de producir calor.

T

•  Taller

Lugar onde se traballa nunha actividade ou oficio de carácter manual.

•  Tecnoloxía

Procedementos e instrumentos técnicos que se empregan nunha actividade específica.