Saltar navegación

2.6.1 As empresas

Unha empresa é unha entidade conformada por persoas (coas súas aspiracións e realizacións) e por factores de produción, como os bens materiais e as capacidades técnicas e financeiras. Todo iso permítelle dedicarse á produción, á transformación e/ou á prestación de servizos para satisfacer as necesidades ou os desexos da sociedade.

Tipos de empresas

Segundo o seu tamaño

 

Segundo a propiedade do capital
  • Pequenas e medianas empresas (PEME): hai un propietario ou encargado responsable da toma de decisións e unha serie de traballadores e traballadoras (ata 250) ao seu cargo.
  • Grandes empresas: hai varios departamentos ou seccións cos seus correspondentes encargados e persoal, o que suma milleiros de traballadores. Os departamentos están coordinados entre si e responden normalmente ante un consello de administración. A este grupo pertencen as multinacionais.

 
  •   Empresas públicas: do Estado ou dun organismo público.
  •  Empresas privadas: dunha ou máis persoas.
  •  Empresas mixtas: con participación pública e privada.

 

 

Segundo o sector da actividade desenvolvida

 

Segundo o seu réxime xurídico
  •  Sector primario: cando obteñen produtos primarios animais, vexetais ou minerais directamente da natureza.
  •  Sector secundario: cando obteñen produtos elaborados mediante a transformación de produtos primarios (ou materias primas).
  • Sector terciario, cando trasladan os produtos elaborados e os poñen ao dispor dos consumidores, ou ben cando lles prestan a estes outros tipos de servizos..
  • Empresas individuais: propiedade dunha soa persoa.
  • Sociedades: propiedade dun conxunto de persoas que participan co seu traballo e/ou capital.
    • Anónimas: os socios accionistas participan segundo o número de accións que posúen, que se poden comprar ou vender libremente.
    • Limitadas: os socios participan segundo o número de participacións que posúen, que só se poden comprar ou vender entre eles.
    • Cooperativas.

Actividade resolta

Que son as cooperativas? Indique algún exemplo de cooperativa e clasifíquea polo seu réxime xurídico, tipo de actividade realizada e tamaño da empresa

Solución

Unha cooperativa é unha sociedade formada por traballadores ou consumidores para producir, comprar ou vender produtos en común, liberándose da carga que supoñen os beneficios dos capitalistas e intermediarios, repartindo as ganancias que puidera haber entre os seus socios: Agrupación de Transportes do Porto de Vigo; Sociedade Cooperativa; Sector Terciario (transporte de mercadorías por estrada); PEME.
 

S21.        Relacione as etapas do método de proxecto coa función a que correspondería nunha empresa (consulte o epígrafe Empresa e mercado, no punto 2.6.2) explicando a relación:

Presentación do problema             

Deseño e elección                        

Planificiación                                

Construcción                                

Avaliación                                    

Divulgación e Comercialización      

Habilitar JavaScript

 

Actividades propostas

S22.        Clasifique as seguintes empresas galegas segundo os criterios de tamaño da empresa, propiedade do capital e actividade desenvolvida:

Empresa

Tamaño

Propiedade

Actividade

  • Aluminios Cortizo (Grupo Cortizo) 

  • Cooperativa Forraxeira de Negreira (FEIRACO) 

  • Un taxi 

  • Sociedade Galega de Medio ambiente (SOGAMA) 

  • Unha tenda de comestibles 

  • Caixa Galicia 

  • Compañía de Radio Televisión de Galicia 

Habilitar JavaScript

 

 

S23.        Cal é a diferenza entre unha acción e unha participación empresarial?

 

S24.        Indique a que réxime xurídico pertencen as seguintes empresas. Que caracteriza cada réxime?

  • Hormigones Valle Miñor, SA 

  • Adega Cooperativa Condes de Albarei 

  • Gadiex, SL 

  • Pescanova, SA 

  • Salón de Peiteado Piluca 

Habilitar JavaScript